Mga ospital gibiyaa’g nars
JAV, BANATI! - Javier Tapulado (Banat) - February 2, 2020 - 12:00am

Risgo ang trabaho sa nars. Kada adlaw, sila mismo ang moatiman sa mga pasyente, kinsa naghambin og nagkalanlaing sakit: manakod o dili makatakod.

Unya, istrikto pa gyod ang ospital. Kay ma-late lang kunog usa ka minuto ang nars, may sanction na, matud pa sa usa ka mapinanggaong amahan, kang kansang anak nars nag-alagad sa usa ka pribadong ospital ning dakbayan.

Ang wala niya mahiuyoni mao: kay bisag miabot na ang oras nga mo-off na iyang anak, ma-extend pa kinig 30 minutos o sobra pa. Sanglit may trabahoon mang itunol ang mopauliay ngadto sa mopulihay.

Okay ra unta, kon kini bayaran sa hospital management. Ang pait, kay T.Y. Unya, dili kay panagsa ra mahitabo. Kada adlaw gyod!

Busa, kon tiponon ning sobrang 30 minutos matag adlaw ngadto sa number of working days in a year, dinhi makita unsa ka dako sa kuwarta ang nadaginot-ganansiya sa ospital nga dapat adto unta mapunta sa mga empleyadong nars. Makalibog! Sa kadako sa inadlaw nga kita sa  mga pribadong ospital, ug nganong tihik man silang manuweldo sa ilang mga nars?

Niini lang bag-o, anak nars sa higala kong pinanser kasurenderon na sa iyang trabaho. Kay mowalo ka tuig na sa iyang serbisyo, iyang suweldo gamay gihapon. Samtang kadungan niyang mga nars nga atua magtrabaho sa gawas, nakapatukod nag balay, unya may bag-ong sakyanan pa!

Gisakitan ang anak nga naghunahuna, ilabi na ning panahon nga gihimo nang 12 hours ilang trabaho imbes walo ka oras ra kada adlaw. Sa sinugdanan, every other day pa ang maong 12 hours work implementation. Pero ning nangaging mga adlaw hangtud na sa pagsulat niini, gikada-adlaw na gyod. Unsaon, daghan nang nars ang nangresayin, kinsa sagad mibalhig trabaho sa call centers. Pipila usab, ang nanglarga human gitanyagan og nindot nga opurtunidad sa gawas.

Gani, ubay-ubay pa ang gusto moresayin pero gipugngan sa top management. Apan adunay uban nga wala  magpapugong. Mibiya ug wala na mobalik sa trabaho.

Oh, what an expression of discontentment against unfair labor practice! Delikadog momenus pa ang mga nars nga nanarbaho sa pribadong ospital.

Angayng patas-an na sa ospital ang suweldo sa ilang nars samtang dili pa ulahi ang tanan.

OSPITAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with