EDITORYAL - Alerto batok coronavirus
(Banat) - January 23, 2020 - 12:00am

Nasudlan gyud ang Sugbo og turistang nagdala og sakit gikan sa China, apan wala pa nasayod ang mga health officials dinhi kun ang virus sama ba sa bag-ong coronavirus strain nga nikalas na og mga kinabuhi didto.

Usa ka adlaw sa wala pa ang Sinulog dunay mikatap nga messages as social media kabahin sa batang Chinese tourist nga giingong dunay sintomas sa coronavirus. Apan walay otoridad nga nikompirmar niini sa mga tigbalita ug gihulagway pa kini nga “fake news.”

Apan ning bag-o, mismo si Department of Health Regional Director Dr. Jaime Bernadas ang mikompirmar nga nia karon sa Sugbo ang maong bata ug aduna kini coronavirus. Usa kini ka matang sa sakit sa baga.

Ang inahan niini gibutang na usab sa isolation aron maobserbahan kun wala ba kini matakdi sa maong sakit.

Nagnegatibo hinuon ang bata sa gikahadlokang Severe Acute Respiratory Syndrome(SARS) virus ug Middle East Respiratory Syndrome (MERS) coronavirus o mas nailang Camel flu o MERS-CoV.

Gipadala pa ngadto sa Australia ang samples gikan sa bata aron pagtino kun unsa kini nga strain sa virus.

Apan ang didto sa Wuhan City sa China, dunay bag-ong coronavirus strain nga padayong gipaningkamotan nga mapugngan ang pagkatap human nga duna nay unom nga nakalas ug kapin 300 na ang nalandig sa tambalanan tungod sa maong sakit nga gituohang gikan sa mananap.

Nakompirmar sab nila nga ang maong virus makatakod gikan sa tawo padung sa laing tawo.

Ang maong mga turista wala mamatikding dunay sakit sa ilang pagsulod dinhi nga makapaalarma gyud. Posible gyud diay malutsan ang mga nagbantay.

Kun ingon niini kalugak ilang pagbantay diha sa tugpahanan, dali rang matakdan ang mga tawo dinhi og mga sakit gikan sa gawas.

Unsaon nalang ang mga pasaherong nakadungan sa duha sulod sa abyon ug sa mga nakahimamat nila sa ilang pag-abot dinhi? Unsa may gihimo karon sa mga otoridad?

CORONAVIRUS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with