Dear Atty. Divine,
Ang akong anak nagtrabaho isip house helper. Gawas sa iyang mga gimbuhaton sa balay, siya usab ang nag- atiman sa 6 anyos nga bata. Momata siya matag alas 4 sa kaadlawon kay mosugod na og trabaho ug makapahuway siya magabii alas 10:00 na. Patrabahuon siya bisan adlaw nga Domingo ug wa siyay day-off. Ang akong pangutana kun dili ba ni kalapasan sa Kasambahay Law? Maluoy ko sa akong anak nga way pahuway. Daghang salamat.
Lita
* * *
Dear Lita,
Basi sa Section 20 sa Republic Act 10361 or Kasambahay Law, entitled ang imong anak og pahuway sa matag adlaw niyang pagtrabaho ug entitled sab siya og day-off kausa sa usa ka semana kun Weekly Rest Period basi sa Section 21 sa maong balaod. Kun patrabahuon siya sa iyang empmoyer atol sa iyang day-off dapat swelduhan siya niini.
Busa adunay katungod ang imong anak nga moreklamo ngadto sa iyang amo tungod sa iyang taas nga oras sa pagtrabaho matag adlaw ug tungod usab sa wa niya paghatag og higayon nga maka day off kausa sa usa ka semana nga maoy nalatid sa balaod. Kun di gihapon motuman sa balaod ang iyang employer mamahimo kini niyang ireklamo ngadto sa DOLE. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.