EDITORYAL - Unsay naa sa kanta?
Edwin Ian Melecio (Banat) - December 3, 2019 - 12:00am

Niadtong kataposang nag-host ang Pilipinas sa Southeast Asian Games  tuig 2005 gipatukar ang theme song nga “One Heritage, One Southeast Asia.”

Apan ang opisyal nga awit adtong event “We’re All Just One” sa sikat nga kompositor nga si Jose Mari Chan ug lyricist Rene Nieva. Gikanta kini ni Julia Abueva.

Karon nga SEA Games ang theme song “We Win as One” sinuwat ni Floy Quintos ug giawit ni Lea Salonga.

Unsa may naa ana? Dili ang mga theme songs ang makapabuhi og dugo sa mga atleta ug manan-aw kondili ang mga ordinaryong kanta bisan kadtong pipila ka dekada nang nigawas ug nagbalik-balik sa mga radio. Ning tungora, ang kantang “Manila” nga gikanta sa Hotdog gipatukar sa dihang nanulod na ang mga delegasyon.

Samtang tuod nakapabuhi kini sa dugo sa mga nanan-aw didto sa sud sa Philippine Arena, dunay mga sentimiyento sa gawas kay dili daw kini haom kay wala nag-representar sa kinabuk-an sa mga Pilipino.

Usa si Presidential daughter Davao City Mayor Sarah Duterte-Carpio ang maingon ta nakasaway sa pagtukar sa maong awit, kay dili kuno makapagana sa ubang atleta ug mga tumatan-aw nga dili mga taga Manila.

Kay lagi dili daw kini representasyon sa tibuok katawhang Pilipino ang Manila. Apan para sa uban, wala kini sapayan kay nagrepresentar man gihapon sa nasud ang kanta kay ang kapitolyo sa Pilipinas ang Manila man. Niadtong 2005 SEA Games, usa ray grabe kasikat nga tukar ang nakapabuhi sa mga tawo, ma atleta man o sa mga nanan-aw. Kini ang kantang “Pinoy Ako” nga gipasikat sa Orange and Lemons.

Dili lang gani mga Pinoy kay hasta ang mga langyaw nga delegado ug ilang mga atleta nakitang giganahan sa maong kanta pinaagi sa pagsayaw samtang kini gitukar ug nakigdungan pa gyud og kanta sa mga Pinoy sa ilang tupad.

Tingali sa sunod nga mo-host ang Pilipinas og SEA Games medyo sensitibo ra sila sa pagpili. Kadtong mga awit nalang gyud nga way ngalan sa lugar aron haom sa katawhang Pilipinhon.

SOUTHEAST ASIAN GAMES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with