Sa kanunay lang gyud andam
MGA LAMAS SA KINABUHI - Fr. Rey Cui (Banat) - November 16, 2019 - 12:00am

Dunay migawas nga report sa internet nga matud pa gikan sa NASA nga karong Disyembre 20, 2019 dunay Asteroid nga mobangga sa kalibutan. Kining Asteroid bato kini siya diha sa kawanangan. Ug kun kini mobangga sa atong planeta mahimong makadaut gyud kini pag-ayo sa atong kaugalingong kinabuhi. Nahinumdom nuon ko sa salidang Deep Impact diin ang Asteroid nahulog sa kalibutan ug maoy hinungdan sa tsunami ug uban pang makalilisang panghitabo sa atong kayutaan. Butang nga nakahaling og tumang kahadlok sa kadaghanan. Kun hapit na gani moabot ang maong katalagman asa kaha ibutang nato ang atong kaugalingon?

Ang kahadlok nga naghinobra maoy nakapahimong mas mabaw ang atong pagsabot sa kinabuhi. Buot  natong luwason ug maneguro sa atong kinabuhi lamang hangtud nga hikalimtan nato nga dunay uban nga mas nagkinahanglan kay kanato. Nahikalimot kita nga ang tinud-anay nga katagbawan ug kahingpitan anaa sa kinabuhing manggihatagon ngadto sa uban. Butang nga hikalimtan sa kadaghanan nato karon. Nahanaw na ang paghunahuna sa uban ni ang paghimo og bisan unsa nga makaayo tungod kay ang atong gihunahuna mao raman ang atong kaugalingon dili ba?

Sa akong bahin mahinungdanon kaayo ang pagpangandam dili tungod kay nag-apas kita og kaluwasan lamang sa atong kaugalingon kondili aron atong mapuy-an ang adlaw adlaw sa atong kinabuhi ingon sa angay. Ang kahadlok man gud maoy makapakgang sa atong pagkamamugnaon. Ang atong kahadlok maoy mobabag sa atong mga maayong tinguha alang sa uban. Ang atong kahaladlok maoy hinungdan kun nganong mas mopaundayon lamang kita sa naandan kaysa maningkamot kita nga mosuway og lakang sa mga dalan nga dili nato naandan.

Tungod sa kahadlok sa sakit nga kamatuoran daghanan nato ang nahimong nabutaan nga usahay ang atong gituohan bunga lamang sa ilusyon nga kita tinugahan sa kahitas-an kini tungod kay atong gihimong mapanalipdan ang atong kaugalingon pinaagi sa atong mga mga ritwal ug patuo tuo nga makapahimo kanatong backward sa atong mga baruganan. Gipangutana ko kun angayan ba kong malisang niini?

Ang akong tubag mao nga kabahin sa lihok sa uniberso nga dunay mabangga o mahulog nga asteroid busa normal lamang kini nga panghitabo….. Ug kay normal man, angayan lamang nga atong andamon ang atong kaugalingon….

ANDAM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with