Bahandi sa Dagat
LABTIK - Alan Domingo (Banat) - November 15, 2019 - 12:00am

Sugod karong adlawa ipatuman sa Bureau of  Fisheries and Aquatic Resources BFAR region 7 ang pagsira sa Visayan Sea alang sa pagpangisda ilabi na sa Tamban o Sardines, Mackerel o Anduhaw ug ubang kaliwatan sa maong matang sa isda  aron makapangitlog ug mosanay karong panahona.

Molanat hangtod sa Pebrero 15 ang naasoyng Visayan Sea closure diin tinguha niini nga mosanay ang naasoyng mga isda kay karon man ang breeding season niining mga isdaa.

Matud ni BFAR 7 Regional Director Alfeo Piloton nga ikapito na kini ka tuig nga pagsirado sa kadagatan sa amihanan ug nasuta nga epektibo kaayo kay mosanay man gyud ang mga isda. Kung buot huna-hunaon mubo ra kaayo kining panahona nga kaya ra isakripisyo sa mga mananagat kay sila ra man usab ang makapahimulos sa mga isda nga abunda na unya nilang makuha.

Gipaneguro sa BFAR nga kadtong mga mananagat nga apektado duna silay giandam nga panginabuhi alang kanila.

Kini sama sa pagpalipang sa mga guso o caragenan nga mahal na kaayo ang kilo kon ipauga.

Apan gikinahanglan nga dunay lehitimong kahugpongan sila aron maka avail loan assistance nga magamit isip puhonan.

Hatagan usab sila og mga sakayan apan kadtong mga haum nga nagkinahanglan og ayuda.

Samtang naghisgot naman gyud ta og bahandi sa dagat, ang tanan nga anaa sa kadagatan maisip nato nga bahandi nga angayan ampingan.

Subo lang palandungon nga maabusohan kini sama nalang sa mga seahorse nga gisuway og palusot ngadto sa China agi sa airport.

Maayo nalang kay nabantayan sa OTS, BOC, ug DOTr nga nakig alayon sa BFAR hinungdan nga nasakpan ang duha ka mga Intsik nga nagdala niini mokapin sa usa ka sako nga dried seahorse ang nasakmit sa mga otoridad, hilabihang daghana na niini kay gibuwad naman.

Nagtoo ang mga mga otoridad nga posibleng himoong gamit sa tambal didto sa China kining mananapa.

Basin duna nay local contact ang mga langyaw nga tig supply kanila sa seashorse nga angayan matumbok aron masumpo gyud ang pag abuso sa kinabuhi nga anaa sa atong kadagatan.

DAGAT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with