Gahom pagtudlo di pagtaktak
ARANGKADA - Leo Lastimosa (Banat) - October 22, 2019 - 12:00am

Way gahom ang mayor sa pagtaktak sa mga sakop sa board of directors (BOD) sa water district.

Ang iyang gahom sa pagtudlo wa maglakip sa gahom sa pagpalagpot nila. Wa say gahom ang local government units (LGUs) sa pagbanos o bisan sa pagpanghilabot sa operasyon sa water districts.

Kining desisyon sa Regional Trial Court (RTC) Branch 24 sa Koronadal City sa South Cotabato niadtong Mayo 20, 2004 mahimong magamit sa paghusay sa kontrobersiya sa liderato sa Metro Cebu Water District (MCWD).

Kansang BOD gitaktak ni Cebu City Mayor Edgar Labella apan nagdumili pagtuman sa iyang sugo nga ilang gihulagway nga ilegal.

* * *

Gibasura ni RTC Judge Oscar Dinopol ang “recall order” nga giluwatan ni Mayor Fernando Miguel batok sa pagkatudlo sa lima ka mga sakop sa BOD sa Koronadal Water District (KWD) nga gipangulohan sa tsirman nga si Engr. Allan Yapchukon, representante sa mga negosyante.

Gihangop sa water districts sa nagkalainlaing bahin sa Luzon, kabisay-an ug Mindanao ang desisyon ni Dinopol nga ilang giisip nga makapalingkawas nila gikan sa pagpanghilabot sa mga politiko.

Ang desisyon ni Dinopol giisip nga usa sa nakadasig sa Department of Interior and Local Government (DILG) sa pagsige og pasidaan sa LGUs sa pagtabang apan sa di pagpanghilabot sa water districts.

* * *

Matud ni Dinopol samtang ang Presidential Decree (PD) 198 nimando sa pagtukod sa local water utilities, wa ni magtugot sa LGUs pagkontrolar ug pagsuperbisar nila. Iyang gikutlong pipila ka probisyon sa Section 6:

• “Once formed, a water district is subject to the provisions of this Act and not under the jurisdiction of any political subdivision;” ug

• “Nothing in the resolution of formation shall state or infer that the local legislative body has the power to dissolve, alter or affect the district beyond that specifically provided for in this Act.”

* * *

Si Dinopol gitaktak hinuon sa Korte Suprema niadtong 2011. Di tungod sa iyang desisyon sa kaso sa KWD kondili tungod kay nidawat og pabor sa negosyanteng may nagung-ong nga kaso sa iyang sala.

Angay’ng susihon sa mga abogado sa MCWD ug Cebu City Hall gikuwestiyon bang desisyon ni Dinopol sa mas taas nga korte o nakaabot ba sa Korte Suprema.

* * *

leolastimosa@gmail.com

BOARD OF DIRECTORS GAHOM PAGTUDLO DI PAGTAKTAK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with