Mga pamatasan sa pagmisa
JAV BANATI - Javier Yntig Tapulado (Banat) - October 14, 2019 - 12:00am

Miingon ang Ginoo: “Pangayo’g pasaylo sa imong mga salang nabuhat. Ug ikaw Akong pasayloon.” Hinungdan, nga kinahanglan kinasingkasing gyong hinulsulan natong mga makasasala ang tanang kalapasan tang nahimo samtang buhi pa.

Mao man gani, nga kitang mga Romano Katoliko, kon may naglisod nang masakiton sa tambalanan, paningkamotan gyod sa tagtungod nga mahilogan kini sa pari ubos sa Sacrament of Anointing of the Sick, diin ang pasyente pakompisalon sa pari ug human makadawat sa sagradong bendisyon diha sa pagpasaylo, pakalawaton.

Ginoo ang mopasaylo sa mikompisal. Ug nahibalo Siya unsa kamatinud-anon ang makasasala diha sa atong pagbasol.

Ug kon kita matinud-anon, segurado nga Iya tang pasayloon. Gani, kadtong usa sa duha ka kawatan nga gilansang sa wala ug tuong bahin ni Hesukristo, dihang nahibalo nga anaa na siya sa ngilit sa kamatayon, nagbasol sa tanan niyang sala.

Ug dihadiha, gitubag: “Karon dayon, mahiuban ka Nako sa paraiso.”

Hinuon, diha sa paghilog sa nagdeliriyong masakiton, may panahon nga dili na makasulti ang pasyente ug mamatay. Hinungdan, nga ang ilang kalag mahipunta ngadto sa usa ka dapit nga gitawag og purifying place of the soul (ginganlan sa Katolikong simbahan og ‘purgatoryo’.)

Sa purgatoryo, ang kainit sa kalayo sama ra sa impyerno.

Ang nakalahi lang, kay sa impiyerno di na gyod maluwas ang naa didto.

Samtang sa purgatoryo, ang mga kalag dakog chance nga masalbar pinaagi sa pag-ampo natong mga buhi.

Hinungdan, nga dunay misa sa mga kalag ang simbahan, diin magpanon ang tagtungod nga magpamisa, ilabi na niadtong mga suod, kinsa wala nay duawduaw sa lubong sa ilang minahal sa kinabuhi. Maong padamgohon na lang sila sa mga kalag.

Adunay iya-iyang pamatasan ang magpamisa. May magpamisa nga P50 ray ihatag sa simbahan pero puno ang one-page bondpaper sa mga ngalan sa kalag.  Unya, di pa gyod maklaro ang sinulatan kay morag agi sa doktor. Pagkaluoy sa lector nga mobasa.

Hinuon, naa poy mo-offer og P100 diin ang ngalan sa kalag, usa ra ug tin-aw ang pagkasulat.

Busa segurado gyod nga matawag ang tinuod ngalan sa kalag nga gipamisahan.

My dear, TF Banat News readers, kon kamoy papilion, hain kaha niining matanga sa pamatasan ang maayong sundon?

PAGMISA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with