Unsaon pagbalhin sa ownership sa inherited property?

Dear Atty. Divine,

Ang akong mama namatay last month. Patay na sad ang akong papa. Dunay gibilin nga property ang akong mga ginikanan nga house and lot ug usa ka farm land. Bugtong ko nila nga anak. Ang titulo  niini  nakapangan ni mama ug papa. Unsay una nakong buhaton aron mabalhin sa akong pangan ang maong mga property? Unsay akong dapat bayran inig transfer niini? Daghang salamat. —Maricris

Dear Maricris,

Ang una nimong buhaton mao ang pag-execute og Affidavit of Self-Adjudication ug magpahimo ka niini sa abogado ug dayon imong pirmahan ug panotaryuhan. Human niini, imong ipa-compute ang Estate Tax sa imong mama ug papa ngadto sa BIR aron imo kining bayran. Ang computation sa Estate Tax ibasi sa zonal value sa property busa kinahanglan nga magdala ka og certified true copy sa title ug sa tax declaration sa properties inig pa-compute nimo sa Estate tax. Dunay list of requirements ang BIR nga dapat nimong i-comply  busa mas maayo nga mokuha ka niini. Human sa imong pagbayad sa Estate tax ug pag-submit sa mga gikinahanglang dokumento ngadto sa BIR,  mo issue na ang BIR og Certificate Authorizing Registration or CAR ug mao kini ang imong i-submit sa Assessors Office ug sa Register of Deeds alang sa pag-transfer na sa tax declaration ug sa title sa maong mga property ngadto sa imong pangan. Ang imong bayran sa pag-transfer niini mao ang Estate tax ngadto sa BIR, transfer tax ngadto sa Assessors Office diin mahimutang ang property ug registration fee ug issuance sa new title ngadto sa Register of Deeds. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana  pinaagi sa akong column matag Miyerkules, Sabado ug Domingo.