Pagpanglimpyo iya sa tanan
AMBOT LANG - Gerry Auxilio (Banat) - September 17, 2019 - 12:00am

Nakahukom ang duha ka lokal nga kagamhanan sa Dakbayan sa Sugbo ug Mandaue sa paglimpyo sa sapa sa Mahiga aron masulbad ang pagbaha sa nahisgotang dapit.

Gipangulohan nila ni Mayor Edgardo Labella sa Dakbayan sa Sugbo ug Mayor Jonas Cortes sa Dakbayan sa Mandaue ang pagpanglimpyo sa sapa.

Giawhag ni Labella ang katawhan sa pagtampo sa kalimpyo pinaagi sa pagtarong sa paghipos sa ilang basura ug sa dili paglabay niini sa mga sapa o kanal aron dili kini makabara sa dagan sa tubig nga maoy makamugna sa pagbaha sa kadalanan panahon sa pag uwan.

Si Labella nagkanayon nga ang baha dili masulbad kun isalig lamang kini sa mga kapitan, sa mga kawani sa Department of Public Services o sa mga konsehal sa dakbayan. Sakto ang gisulti sa mayor. Pero mas maayong ubanan ang awhag og estriktong pagpatuman sa silot.

Ang basura suliran nga dili mugna sa kinaiyahan. Suliran kini nga mugna sa katawhan. Kay mugna sa katawhan busa ang katawhan ra usab ang makasulbad niini ug ang dili motabang sa pagsulbad silotan.

Ang dili istrikto nga pagpahamtang og silot niadtong mga malapason sa balaud sa saktong paglabay sa basura ang nagdasig sa katawhan sa pagpasagad sa paglabay sa basura ug gitanom sa ilang huna-huna nga naa ang gobyerno nga magsunod kanunay sa paghipos sa ilang mga basura.

Masuko na gani sila kun dili limpyohan sa gobiyerno ang ilang palibot. Magbagulbol nga nanimaho ang basura ug nakalimot nga gikan nila ang gireklamo nilang bahong basura.

Tapolan ug gahi na og ulo ug dili na molabay sa ilang basura panahon sa pagkolekta. Busa basura nga wala nakolekta bisan asa na lamang ilabay kay dili gusto nga manimahong basura ang ilang balay ug ilang ikalipay ang pag uwan kay ang basura nga napundo sa balay ipaanod sa baha.

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with