Nganong nihilom man ka?

Mao kini ang nahimong reaksiyon niya human ang therapist miingon nga angayan nang undangon ang maong relasyon isip kliyente ug therapist.

Kini tungod hagbay ra nahuman ang ilang kalambigitan, nahadlok ang therapist nga basin grabe pa nuon ang dangatan niini tingali kaha nahimong burn out ang therapist mao lisud alang niya ang pagpaminaw kun traumatic kini sa pasyente traumatic usab kini sa therapist.

Sa atong kinabuhi tinuod mga social beings kita ug ang atong kahingpitan atong gipasikad sa atong pakigkukabildo sa usa’g usa.

Nahulog kitang mga biktima mismo sa atong kaugalingong anino nga hagbay ra unta natong gilubong sa atong panumdoman.

Sa pamasin mamahimong hapsay ang atong panaw sa kinabuhi.  Ang atong nasamdan nipahinumdom nato nga kita mismo di luwas sa mga kahigayonan nga kita wiwion sa makadaghan.

* * *

Ang tentasyon. Anaa gyud ang tentasyon gani sa Unang Domingo sa Kwaresma kini man ang nahimong tema. Gitintal ang Ginoo. 

Apan bisan pa man sa maong tentasyon nahimo siyang nagmadaugon. Dunay negatibo ug positibong epekto ang tentasyon.

Ang tentasyon mahimong taytayan aron kita makapadayag sa atong kamatinud-anon sa bisan unsang commitment nga atong pagahimoon.

Sa laing bahin kun nahimong haguka ang imong baruganan mamahimo kang mohatag sa imong kaugalingon diha sa tintasyon nga hilabihan.

Ang tanan nagasukad ra gyud diha sa pagpili ug kun diha sa atong pagpili nahimo kitang immature, nan, mas palabihon nato ang hulhog sa atong kaugalingong kahuyangan kaysa bisan unsang giisip natong mahinungdanon.

Dili maayo nga motuo kita diha-diha sa giisip natong maayo ug nindot kondili pa nato masuta ang tinuod nga bili niini.

Kay kun ato kining himoon diha diha nan, mamahimo kitang malingla sa mga haylo nga magdala kanato sa kalaglagan.

Unsa may angay natong himoon aron pag-atubang niini? Kini ang atong pagahimoon: 

1. Awareness kun pagkaamgo sa atong kahuyangan. Ang pagdawat niini dako na og kahimoan aron kita mahigmata sa kamatuoran mahitungod kanato.

2. Human kita masayod niini mas maayong maglikay sa makadaut nato.

3. Ang makanunayong pagdangop sa bisan unsang espirituhanon ug diosnon makatabang og dako uyamot sa pagsumpo sa atong dili makiangayong kaibog.