EDITORYAL - Chinese maskirovka
(Banat) - August 19, 2019 - 12:00am

May posibilidad bang sulongon aron sakupon sa Pilipinas ang China? O kinsa may motuong ang China kayang sakupon ang Pilipinas?    

Angay kining tubagon ni Chinese Ambassador Zhao Jianhua nga misumbalik sab pagingon, unsa kaha kun ang mga overseas Filipino workers nga nanarbaho karon didto sa China ilang dudahan nga mga espiya.

Sila si Defense Secretary Delfin Lorenzana, Senador Panfilo Lacson, Rep. Jericho Nograles ug mga magbabalaod ug opisyales sa AFP nagduda gyud nganong anha gyud giestablisar sa mga atubangan sa mga dagkong kampo sa AFP ug PNP ang mga Chinese-manned Philippine offshore gaming operation (Pogo).

Gawas pa niini, duna say mga construction sites nga daghang Chinese workers atbang sa mga dagkong base sa militar sa navy, army ug sa air force.

Unsa may makuha sa Pilipinas kun mangispiya kini sa China kaya ba niining sulngon aron sakupon ang maong nasud? Ang China kaha kun mangispiya dinhi, unsa pud kaha ang ilang makuha? Ang China dugay nang nangambisyon nga modominar sa kalibotan, apan kinahanglang unahon nila ang kadagatan sa Pasipiko pinaagi sa Pilipinas.  Kay ilang tan-aw ‘weakest link’ ang Pilipinas sa island chains nga gilangkoban sa South Korea, Japan, Taiwan ug Indonesia  nga nagsilbing kural batok kanila aron unta modominar sa Pasipiko.

Ang China nigamit og ilang bersyon sa ‘Russian maskirovka’, gikan sa pulong “mask” o takuban. Usa kini ka doktrinang militar nga gimugna didto sa Russia sa unang panahon aron libugon pinaagi sa diplomasya ang mga lider sa target nilang mga nasud.

Nigamit kini og pagpangilad, pagpanuborno, pagpangpiit, pagpalibog aron dili makapanagang sa ilang tinud-anay nga pagatake, militar ug politikal ang target nga nasud. Bisan mabantayan ilang gibuhat mauwahi na ang tanan.  Mao kini ilang gibuhat karon sa WPS, mipasalig silang dili mag-militarisasyon didto, apan nagbutang sila og mga base militar sa lugar.

Kaning pamahayag ni Zhao, tuohan man o dili mahimong kabahin lang kini sa ilang maskirovka ug di angay kompiyansahan.

CHINESE MASKIROVKA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with