Lechon Night
Dinhi sa ato, walay kumbira o bangkete ug dili makompleto ang salu-salo kon walay lechon. Ang Sugbo nailhan nga tinubdan sa lamian nga lechon. Matag adlaw aduna gyuy lechon nga iapalupad ngadto sa kaulohan. Ug ang taga-Manila matag anhi nila sa Sugbo mangita gyud og lechon.
Kahinumdom ko nga sa mag-agtuan pa ko sa Manila, ang simbahan sa Baclaran pirme gyud nga malakip sa akong itinerary. Ug sa kiliran sa simbahan, maglaray ang mga naninda og lechon, ug aron pagdani og daghang customer, imong mabasa sa ilang mga signage o paskin sa ilang tindahan nga: CEBU LECHON.
Ug dinhi sa ato, daghan na kaayo ang mga lechonan, kay maka-attract gyud og daghan customer. Matag Domingo, mag-pila na sayo sa buntag ang mga kumakaon og lechon sa mga lechon outlet sa dakbayan.
Sa niaging Biyernes nakakuyog ko ni Jeffrey Ocampo, CEO sa buhatan sa OSCA ning dakbayan diha sa St. Mark Hotel diin sila si Mayor Edgar Labella ug Vice Mayor giimbitar ni Quito Farrarons alang sa ilang Lechon Night matag Biyernes.
Apan gumikan sa nag-una nilang mga engagements wala sila makatambong sa maong okasyon, ug kami na lang ni Jeffrey ug lima ka staff members sa buhatan sa mayor ang ni-enjoy sa lamian nga pagkaon, lakip na sa Boons lechon nga gika-tie up sa St. Mark Hotel, uban sa maabi-abihion nilag mga empleyado, nakadugang sa naanindot nga ambiance
By the way, sa akong pangutana kon makakaon ba gihapon ko’g lechon, kay medyo problema ko sa cholesterol, tubag ug tambag sa akong doctor: Kaon gihapon, apan unod sa bukobuko ang kan-a, kay layo sa tiyan kay anaa sa tiyan sa lechon ang matika, tambok ug parat.
Ug sa lechon manok, midugang ang doctor nga maoy kan-on ang petso kay mas daghan og unod ug layo sa panit. Ug ayaw kalimot pag-exercise regularly.
* *
Unsa man kining atong mga utang gikan sa China, maisip ba nga debt trap kon lit-ag aron ma-problema unya kita unsaon pagbayad?
Particularly kining Belt and Road Initiative (BRI) sa Beijing nga tingali unya kuno’g dili kita makabayad ug maimbargo o ma-foreclosed ang tipik sa atong teritoryo.
Si Tan Qingsheng, Chinese Embassy deputy chief of mission, mipanghimakak niining tanan.
Matud niya, “The Belt and Road is not a debt trap but a pie to be shared. The BRI is a peaceful development platform, not a geopolitical tool. The BRI promotes open and inclusive economic cooperation. It is not aimed at excluding anyone or replacing any other mechanisms, still less forming an exclusive geopolitical alliance,” .
So, tuyo niini mao ang pagpalambo sa economic cooperation sa mga nasud nga mosalmot niini. ug walay labut ang politika, ug dugang tumong mao ang pagpaambit sa mga benepisy nga maani gikan niining maong initiative.
“China has no intention to seek any sphere of influence or gain any geopolitical advantages through the BRI.
We welcome any country who is willing to contribute to the regional connectivity and integration to join the BRI,” dugang pamahayag ni Tan.
So, wala kitay angay kabalak-an niining kahadlok nga tingali unya’g malit-ag kita niininh maong pangutang.
- Latest