Ang pagbalik sa mga dancing inmates
SAKSAK SINAGOL - Lucky Malicay (Banat) - July 22, 2019 - 12:00am

Dili na matingala pa ang mga Sugbuanon kon mobalik na usab kahugyaw ang Cebu Provincial Detention Rehabilitation Cebu sa umaabot nga mga adlaw tungod kay mosagadsad na usab ang mga manayaw niini.

Sa niaging semana mibisita ang bag-ong gobernador sa Sugbo nga si Gwendolyn Garcia didto sa CPDRC ug nakahilak kini samtang mi-perform ang inila na sa kalibotang nga mga dancing inmates sa maong jail facility.

Ang pagbisita sa gobernadora morag sinyales na sa pagbalik sa mga dancing inmates.  Moalegre na usab ang CPDRC gumikan kay dugokon na usab kini og mga turista nga gustong mosaksi sa ikid-ikid sa mga piniriso.

Usa ako sa gisayangan nga wala gipadayon sa nakalabay nga administrasyon ang programa sa dancing inmates diha sa provincial jail. Dako unta nga tabang sa mga binilanggo ang kita sa ilang mga performances.

Siguro dili gusto si kanhi gobernador Hilario Davide III nga ipadayon ang maong programa tungod kay dili siya ang nagmugna niini kondili si Garcia. Mao nga sulod sa nakalabay nga unom ka tuig, hilom pa sa tirana ang mga dancing inmates.

Kay kon gipadayon unta ni Davide ang dancing inmates, padayon unta ang kita sa moang pasilidad gikan sa mga modagsang turista ug dako kini nga tabang sa pagpalambo sa kahimtang sa gatusan ka mga binilanggo.

Dili gayud ikalimod nga dako kaayo og natabang ang mga dancing inmates sa pagsulbong sa industriya sa turismo sa Sugbo tungod sa pagdagsa sa mga turista nga misaksi sa ilang mga performance. Gani naila na sila sa tibuok kalibotan.

Niining pagbalik ni Gobernador Garcia sa Kapitolyo, makapaabot kita nga mobalik na usab pagsagadsad ang inila mga dancing inmates.

Ug dako na usab ang tabang niini sa imahe sa maong bilanggoan.

INMATES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with