EDITORYAL - Maayong may kakompetinsiya
(Banat) - June 17, 2019 - 12:00am

Ang tubig usa sa mga nag-unang panginahanglan sa katawhan sa inadlaw-adlaw niining mga ginbuhaton, gikan sa pang-inom hangtud na sa mga industriya, ug matag tuig nagkadako ang demand niini sama dinhi sa Metro Cebu.

Matud pa nga adunay shortage sa supply sa tubig matag adlaw ang Sugbo nga giingong moabot og 250,000 cubic meters. Mao kini ang hinungdan nganong dunay mga dapit nga walay agas sa tubig tungod kay girasyon man ang supply gumikan sa kanihit.

Ang Sugbo nalibotan og tubig sa dagat ug dunay teknolohiyang makaproseso og parat nga tubig aron mahimong tab-ang ug mainom sa tawo. Dako gyud og ikatabang dili lang sa mga konsumidor kondili hasta sa natural nga tinubdan sa tubig gikan sa mga kabukiran ug atabay. Niining bag-o sa usa ka report, ang Metropolitan Cebu Water District (MCWD) nidawat sa proposal sa Metro Pacific Investments Corp. (MPIC)-Aboitiz consortium aron pagtukod og desalination plant sa Lapu-Lapu City.

Matud pa nga ang maong grupo nagtinguhang mo-prodyus og 100 cubic meter kada adlaw aron maiban-ibanan ang shortage sa supply sa tubig sa Metro Cebu.

Apan ang pangutana pila man kaha ang presyo matag metro-kubiko? Mas barato o mas mahal ba sa ubang suppliers o gustong mosuplay og tubig sa MCWD?

Kinahanglan tingaling unahon ug klaruhon una kun pila ang presyo kay basin og mahal ra kaayo o ba kaha adunay mga kompanyang mas barato pa og offer.

Kun mahal siguradong adto gyud kini paninglon sa mga konsumidor. Dili man ang MCWD ang mobayad ani kondili ang mga tawo man. Duna may gisugyot kaniadto bahin sa pagtukod og dam sa Mananga sa Dakbayan sa Talisay, kumusta naman kadto?  Kun ang Mananga Dam ug ang desalination plant sa maong consortium sa Lapu-Lapu City parehong makasuplay og tubig seguradong di na unya magrasyon-rasyon og tubig ang MCWD. Labaw sa tanan, aduna nay kompetisyon nga mahitabo. Mas maayo para sa mga konsumidor kay dili man ma-monopoliya sa usa lang ka kompanya ang presyo.

KAKOMPETINSIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with