Politika ug personalidad
AMBOT LANG - Gerry Auxilio (Banat) - May 7, 2019 - 12:00am

Unom (6) ka adlaw na lang gikan karon mao na ang paghukom sa katawhan kinsa sa mga nagpapili ang ilang hatagan og kahigayonan nga makaapil sa pagdala sa renda sa nasudnon ug lokal nga kagamhanan.

Ning maong eleksiyon nagtigi ang mga personalidad ug intelihente o mga sikat ug utokan. Human sa Mayo 13 nga eleksiyon mailhan na unya nato kun kinsa ang mopatigbabaw, ang mga utokan ba o ang mga sikat.

Apan basi sa akong nakita sa resulta sa survey sa Pulse Asia ug SWS murag modaug gihapon ang mga personalidad o sikat tungod kay pabiling wa mairog sa iyang nahimutangan ang personalidad isip basihanan sa kadaghanan sa ilang pagpili og kandidato kun itandi sa kwalipikasyon.

Sama pananglit sa mga kandidato sa pagka Senador. Kasagaran sa mga utokan ug pinaka kwalipikado nga mahimong Senador wala masulod sa magic 12.

Gilupig sila sa mga personalidad o sikat nga wala gayod unta luna sa Senado. Ang mga topnotchers sa BAR examination ug mga abogado nga hinog na kaayong mahimong Senador nangiwit sa Pulse Asia ug SWS nga survey.

Samtang ang mga wala makahuman sa kolehiyo ug kuwang ang kabangkaagan ug kahibawo sa pagka Senador mao ang mga nag-una sa survey. Sa survey sa Pulse Asia ug Social Weather Stations wala gisulti niini kinsa ang ilang gi-survey aron mahibaw-an unta kinsa ang gipili sa mga adunahan, sa mga naa sa tunga-tunga ug mga kabus, sa mga ordinaryong tawo, professionals, mga utokan ug mga anaa sa akademiya.

Pero ako nakaseguro nga ang kasagaran sa mga gipangutana sa survey mga ordinaryong tawo lamang tungod sa ilang preferences sa ilang pagpili og kandidato.

Ang mga anaa sa akademiya man gud ug ang mga anaa sa taas nga hut-ong sa katilingban kasagaran kanila ang mopili basi sa kabangkaagan ug kahibawo dili sama sa mayoriya sa mga ordinaryong tawo nga mobasi sa ilang pagpili sa kasikat sa kandidato. Ang problema lang kay mas daghan ang mga ordinaryong botante ug molahutay pa gayod aron lang makabotar kun ikomparar nimo sa mga adunahan nga botante.

SWS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with