Sugod na ang kampanya
SAKSAK SINAGOL - Lucky P. Malicay (Banat) - February 13, 2019 - 12:00am

Gisugdan na kagahapon sa Commission on Elections ang campaign period alang sa mga kandidato sa pagkasenador ug partylist representatives sa Ubos Balay Balauranan alang sa umaabot na midterm elections sa Mayo.

Tungod niini, makapaabot  kita nga, sama sa nanglabay nga mga eleksiyon, modagsa na usab ang mga national candidates dinhi sa probinsiya sa Sugbo aron paglusad sa halapad nga kampanya pagdani sa mga boto sa mga Sugboanon.

Hinuon dili na kini ikatingala pa. Ang Sugbo maoy usa sa mga lalawigan sa nasud nga  adunay labing daghang botante.

Kini ang hinungdan ngano nga paborito kini nga destinasyon sa mga kandidato alang sa mga nasyonal nga posisyon.

Apan samot na unya ka alegre ang eksena sa umaabot nga eleksiyon kun magsugod na usab ang kampanya sa mga lokal nga kandidato.

Mapuno unya sa kahugyaw ang kadalanan ug mga intablado sa kabarangayan sa sirkus sa ilang mga supporters.

Anaa ang aksiyon taliwala sa mga midagan pagkamayor, pagkabise mayor ug pagkakonsehal sa dakbayan ug lungsod.

Kini tungod lagi kay dali ra silang anoron sa ilang mga emosyon hangtud nga mosangpot na hinuon sa ilang paglinabayay og lapok.

Usa lamang kini sa mga eksena matag bugnong lugaynon sa atong nasud. Gani ang tinuoray nga kampanya alang sa eleksiyon wala magsugod sa campaign period sa Comelec. Magsugod kini sa panahon mismo sa pagsugod na sa termino sa mga bag-ong opisyales.

Apan ang usa usab sa pait nga realidad dinhi sa Pilipinas mao ang pagkadugoon sa atong piniliay. Matag pahigayon nato sa bugnong lugaynon, daghang kinabuhi gayud ang makutlo tungod sa away sa mga magkaribal nga mga pulitiko.

Tungod lagi kay daghan sa mga kandidato ang grabe ka hakog sa gahum, dili gayud kalikayan nga adunay mga dugoong insidente ang mahitabo.

Gani, daghan sa mga pulitiko ang mosandig ngadto sa bayolente nga pamaagi aron lamang pagdaug sa eleksiyon.

 

KAMPANYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with