Legal man lagi diay
RENBOR PATROL - Rene U. Borromeo (Banat) - February 12, 2019 - 12:00am

Ingon sila kay ilegal ang ordinansa nga magtugot sa mga traffic enforcers sa siyudad sa Sugbo nga mosakmit og lisensya sa mga drayber nga makalapas sa balaod sa trapiko.

Gitataw gyud sa Supreme Court sa ilang hukom sa kaso nga Metro Manila Development Authority (MMDA) vs. Dante Garin (GR. No. 130230) nga ang mga Local Government Units, sama sa dakbayan sa Sugbo may gahum sa pag-regulate sa traffic sa ilang mga lugar, apil niini ang pagsakmit sa lisensya sa mga driver nga makahimo og salaod.

Ang katin-awan sa Supreme Court giluwatan kay kini si Garin nga usa ka abogado, gidakop sa mga MMDA traffic enforcers ug gisakmitan sa iyang lisensya. Gikwestyon niini sa Supreme Court ang katungod sa MMDA kay lagi, ang LTO ra kuno maoy may katungod pagsakmit og lisensya.

Aw, mao na ang hukom sa Korte Suprema. Miduso og Motion for Reconsideration si Garin, apan gisalikway kini sa labaw’ng hukmanan.

Sa ato pa, husto ang ordinansa nga gimugna nila ni Konsehal Eugenio “Jun “Gabuya ug Margot Osmeña.

Ang mga sakop sa CITOM naghuwat na lang sa Executive Order ni Mayor Tomas Osmeña aron makamugna usab sila og Adjudication Committee nga moatiman kon may mga drayber nga gidakop unya moreklamo.

Na hala, kon agrabyado mo, kiha lang aron maresolbar sa hukmanan kining mao nga isyu.

Gidayeg sab nako si Mayor Tomas Osmeña kay gusto na gyud niya nga ikapatuman dayon kining maong ordinansa ug maleksyon na ang daghan kaayong mga abusadong drayber.

Unsay nakalahi kun masakmit gyud ang lisensya? Ang mga drayber mapugos sa pagbayad sa ilang multahan, apan kun dili masakmit, pasagdan ra ang magtipun-og nila nga obligasyon didto sa Traffic Violations Bureau (TVB) sa CITOM.

* * *

May mga nangutana nako pinaagi sa akong Facebook messenger kun asa kuno sila moduol nga dali ra ang pagkuha og driver’s license.

Base sa akong experience, mas paspas ang pag-isyu og lisensya diha sa LTO Satellite Office sa Robinsons’ Fuente ug sa J’Center Mall sa Mandaue.

Aw, bisan gani ang pagparehistro sa mga sakyanan, naanad na ko didto sa J’Center Mall sa Mandaue kay walay kuti, anaa na ang Motor Vehicle Inspection Service (MVIS) sa silong ug adto ka na sa taas mobayad.

Sa laktud, wala g’yuy fixer nga naglihok. Ang LTO Licensing Center sa Natalio Bacalso Avenue, tua na gibalhin sa SM Seaside, apan pwerteng daghanang mga tawo nga mag-abot didto, dugay ka nga matagad.

Sa LTO Robinsons’ Fuente dili ka maabtan og tunga sa oras, pwerteng paspasa gyud.

TRAFFIC ENFORCERS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with