Bisan og wa kaayo tay labot dinhi, ato ning hisgutan dinhi tungod kay naglambigit kini sa tinguha sa kagamhanan paglimpyo sa mga estero, kasapaan, kabaybayonan sama sa ilang gihimo sa Boracay, ug sa mga dapit nga sagad agian ug pundohan sa tubig ... kini sa tibuok nasud.
Sa tibuok nasud, busa apil kita dinhi sa atong lalawigan ug sa tibuok Central Visayas. Apan, mao ra man nga ang giatiman sa atong gobiyerno mao lang Boracay as if way hinungdan kining mga beach resorts sa ubang dapit sa nasud.
Nahisgutan makadiyot ang kabaybayonan sa Bohol ug sa Lapu-Lapu City.
Apan kutob ra sa mga press releases. Hinumdoman nga walay nahimo si Gov. Tingting dela Serna pag-rehabilitate sa mga beach resorts sa dakbayan, gumikan sa pagka-gamhanan kaayo sa mga misupak sa balaud?
Karon, wa pa gani makatikang og usa ka lakang ang paglinis sa Manila Bay, aduna nay mga sugyot paglanganlangan lang una sa implementasyon niini gumikan kay daghan squatters ang ma-apektahan.
Ug bahin niining mga squatters, aron pagsulbad niini, ginganlan kini sa gobiyerno ug mga informal settlers.
Sa ato pa, wala na kitay mga squatters sa atong nasud. What a way to solve a problem.
Some 40 years ago, sa susamang suliran ang Singapore migasto’g 300M dolyares pag-rehabilitate sa ilang Singapore River ug sa Kallang Basin.
Kapin sa 4,000 ka squatters ang ilang gi-relocate. Mahimo kaha ni sa atong nasud, nga naglalis pa man gani ta sa nasudnong budget?
Gibanabana sa mga environmentalists nga ang kompletong pag-rehabilitate sa Manila molungtad hangtud sa 5 to 10 ka tuig, ug ang nagasto sa Singpore hasta napulo pil-a sa atong gastuon dinhi.
Sa miaging semana ang Manila Yacht Club ug ang Rotary Club of Manila mipadayag sa ilang tinguha pag-support sa Save Manila Bay Project. Nindot kaayo apan kutob ra sila diha.
Giingon dinhi nga kapakyas sa atong gobiyerno pag-address sa pagkadaot sa atong environment, mao ang kakulang o kawalay igong political will pag-atubang ning maong problema?
Firstly, asa man ta’g daghang kwarta, nga naglalis pa man gani kita karon sa nasudnong budget? Ug ikaduha, man nato i-relocate ang mga squatters?
Asa ta’g kwarta? Sa TRAIN LAW na pud? Daku kini nga suliran.
Daku ang atong katingala nga gipasagdan lang ni sa mga previous administrations.
Ang maisog nga political will sa Duterte administration maoy nag-addressed ning maong suliran.
Ug manghinaut kita nga malakip kita dinhi sa mga lalawigan ug dakbayan.