Broner nahubog
JAV, BANATI! - Javier Yntig Tapulado (Banat) - January 24, 2019 - 12:00am

Abi nakog si Floyd Mayweather Jr. ray hambogero sa natad sa pamoksing. Hasta sab diay si Adrien Broner, ang Amerikanong kaparang ni WBA welterweight champion Emannuel ‘Manny’ Pacquiao didto sa MGM Grand Garden Arena, Las Vegas, Nevada?

Si Pacquiao nailhan na sa tibuok kalibotan nga usa ka dekalibreng fighter, diin para nako mas angayang maoy tawgo’g  world’s no. 1 pound-for-pound king panahon sa iyang primetime, kompara sa talawang Floyd, kinsa, usa ka boring fighter, bentahoso  ug hambogero kaayo.

Ambot, kapila na siya hagdag rematch ibabaw sa ring ni Manny, padingoldingol man lang, ang African-American boxer, uy!

Si Floyd di gustong mapilde. Buot siya nga maoy modaog pirme. Hadlok siya nga mamansahan ang walay pildi niyang karera, diin midaog man tuod siyag sige, pero dili tanang kadaogan convincing. May pipila nga kuwestiyonable sa mga mata sa tibuok kalibotan, kinsa misaksi sa iyang mga hugawng inawayan.

Sa kombati nilang Broner ug Manny didto sa Las Vegas sa miaging Domingo, Enero 20, didto gyod si Floyd mitan-aw ug misaksi aron pagsusi kon anaa pa bay ikabuga ang 40 years old nga Pacman batok sa 29 anyos pa nga Broner.

Sama ni Mayweather, si Broner hilig sab modagan-atras libot sa ring. Klaro kaayong nahadlok sa puthawng kumo ni Manny nga matod pang Hall of Fame trainer Roach, daw iyaha sa 20 anyos pa kanhi nga Pacman.

Tiaw bay, isip si Broner maoy contender, dapat siya maoy agresibong moasdang. Magsige man hinuog cover sa nawong ug tiyan? Si Manny man hinuon ang sigeg sulong ug suntok! Daaa, nakalusot bitaw ang solidong kumo ni Pacman ngadto sa lawas ug apapangig ni Broner sa ikapito ug ikasiyam nga rawon, nasarasay lagi ang boring kaayo nga paytir.

Ug nahubog si Broner sa maong pagkaigo! Tagbaw’g panimbang aron dili mahagba sa kanbas.

Dihang gipakanaog na ang pinaling desisyon sa tulo ka judges, diin si Manny maoy midaog pinaagi sa unanimous decision, nagyawyaw ang nahubog nga Broner: “I beat him. Everybody out there knows I beat him. I clearly won the last seven rounds!” Hala, no?

Hoy, Broner! Inom sa og Alka-Seltzer, bi, aron ka mahuwasan.

 

 

BRONER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with