Malampuson ang pagsaulog nato sa Sinulog Festival 2019 nga gidagsaan sa mokapin duha ka milyon ka mga tawo. Bisan pa man kun nakasinati og ginagmay nga pag ulan atol na gyud sa adlaw sa kapistahan apan wala kini makatandog bisan gamay sa mga nag-perform ug mga nanan-aw sa grand parade.
Para nako nindot ra man ang weather condition niadtong Domingo bisan og dunay signal number 1 ang northern Cebu tungod sa bagyong Amang.
Wala mopakita ang adlaw busa dili init alang sa mga tawong adunay high blood pressure, ang ulan madala ra man kay hinay ra.
Ang tanan maoy gimbut-an sa Balaang Bata aron sadya ra Iyang kapistahan.
Samtang duna lay mga minor problem ilabi na ang pag-manage sa crowd tungod kay halos magpatunga naman ang mga tawo sa karsada kay wala may kordon nga pisi.
Mosamot pa gyud kun adunay mga artista nga hilabihan ka wild ang mga fans.
Laing angayan nga tan- awon ang luag nga pag-monitor sa mga tawong nag- inom bisan pa man kun hingpit kining gidili kay naa may liquor ban.
Sa kadaghan sa mga tawo dili gyud maato og dupa sa kapolisan kinsa naningkamot nga mahapsay ang kalihokan. Seguro disiplina ang gikinahanglan sa tanan, ambot kanus-a pa kaha kini mahitabo.
Pasalamat kita sa Senyor Sto. Niño nga giiway kita sa mga dautang panghitabo.
Viva Pit Senyor!