Kini ang kasagaran nakong madungog ug mabasa ning panahona. Natapos na ang tuig 2018 ug nisulod na ang tuig 2019.
Ang paghimo og review sa atong kaagi ug ang paghimo og plano sa umaabot dako kaayong giya aron mamahimong hapsay ang panaw nato alang sa laing hugna sa atong kinabuhi.
Ang mahinungdanon aron mamahimong happy ang bag-ong tuig mao man ang paghunahuna og maayo o positibo. Kini ang kinahanglanon aron maantigo kitang moatubang sa mga pagsulay sa atong kinabuhi. Ang tanan nag-agad ra gyud sa atong pagpili. Walay destino ang tanan nag-agad ra gyud sa atong kabubut-on ug diha sa hustong paggamit sa atong gahom sa kagawasan mamahimong mas nindot ang dagan sa atong plano ug mga laraw.