Malipayong Bag-ong Tuig
SAKSAK SINAGOL - Lucky Malicay (Banat) - December 31, 2018 - 12:00am

Unyang gabii moulbo na usab ang nasud niining atong selebrasyon alang sa atong paghangop sa Bag-ong Tuig.

Masipa nga butobuto ang i-display sa uban isip palihi sa ilang pagsugat sa 2019 nga unta magdala kini og buwenas sa ilang kinabuhi.

Apan pahimangno lamang niadtong mahilig nga mogamit og mga pabuto ug ubang pakulo karong gabii.

Nga hinayhinay lamang sila sa paggamit sa mga firecracker ug ubang matang sa delikado nga pabuto aron paglikay sa disgrasya.

Naandan na nga daghan ang malandig sa hospital matag selebrasyon sa Bag-ong Tuig.

Kini tungod lagi sa disgrasya gumikan sa dinanghag nga paggamit og mga pabuto. Kini ilabina nga daghan ang mogamit usab og gidili nga mga pabuto.

Gani daghan ang nawad-an sa ilang kinabuhi tungod lagi sa pataka lamang og gamit sa pabuto.

Hinuon dili lamang kana.

Daghan usab ang nabiktima sa saag nga bala gikan niadtong nagpabuto sa ilang armas.

Ang indiscriminate firing usa ka seryoso nga problema sa selebrasyon sa Bag-ong Tuig.

Hilabihan na ka daghan sa kaso sa naigo sa saag nga bala.

Gani daghang pulis ug sundalo ang nalambigit niini hinungdan nga nahimo nang tradisyon ang mando pagtabon sa buka sa ilang armas

Hinuon bisan pa sa mga panawagan sa kagamhanan alang sa katawhan sa dili paggamit og delikado nga mga pabuto, daghan gihapon ang mopalit sa gidili nga mga firecracker.

Kini ang hinungdan ngano nga daghan usab ang kaso sa mga nabuthan.

Dili ikalimod nga nagkulang usab ang otoridad sa ilang kampanya batok sa gidili nga mga pabuto.

Kay kun subsob pa ang ilang krusada wala na untay mamaligya niining delikado nga mga pabuto.

Manghinaut lamang kita nga layo sa kakuyaw ang atong selebrasyon sa pagsugat sa Bag-ong Tuig unya. Hinaut nga maayo usab ang dagan sa atong kinabuhi sa sunod nga tuig. Mabungahon nga Bag-ong Tuig kanatong tanan.

BAG-ONG TUIG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with