Drugas gibugtian sa kadungganan
LABTIK - Alan Domingo (Banat) - December 7, 2018 - 12:00am

Lima ka menor de edad nga mga babayeng tinun-an sa high school sa Dakbayan sa Lapu-Lapu ang nasakpan sa akto nga naggamit sa illegal nga drugas.

Nagpangidaron sila og 14 anyos kinsa naka uniporme pa dihang na-rescue sa mga otoridad gikan sa usa ka pinuy-anan nga gitoohang drug den.

Natribokar kini dihang nagpatabang ang mga ginikanan sa mga opisyal sa barangay human wala na makauli ang ilang mga anak.

Natultolan sa mga sakop sa Gender and Development ang pinuy-anan diin atoa ang mga bata.  Tungang gabii na og ngitngit kaayo ang balay kay naputlan kuno sa kuryente.

Pagsulod nila didto nakita ang mga menor de edad nga nag drug session, anaa usab ang mga pakete sa gituohang shabu.

Mi-backup ang mga pulis hinungdan nga nadakpan ang tag-iya sa balay nga si Mathwel Fernandez, 35 anyos.

Katarungan sa mga tinun-an nga naghimo sila’g project, apan klaro kaayong namakak. Gani naa naghubo pa nga naabtan sa mga sakop sa GAD.

Ang mga batan-on posibleng gipagamit sa drugas bugti sa pagbugto sa ilang kadungganan.

Dako kining pahigmata sa mga school administrator sa pagpalig-on pa sa ilang paggiya sa mga tinun-an ngadto sa matarong nga dalan.

Apan labaw sa tanan sa mga ginikanan nga monitoron gyud kanunay ang mga anak aron dili mahisalaag ngadto sa kaalautan.

Ang linghod nga pangidaron huyang ug daling matintal sa mga tampalasan apan kon lig-on ang pag gabay kanila sa mga ginikanan, sila mapanalipdan.

ILLEGAL DRUGS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with