Kini ang gipaambit kanako sa usa ka magtutudlo nga dunay tunghaan nga gialagaran.
Stress kaayo ang iyang trabaho ug gani dunay mga higayon nga malisud alang kaniya ang pagkatulog.
Apan kun unsa man ang iyang kakugi diha sa pagtrabaho mas nahimo pa kuno siyang kugihan diha sa iyang paglingawlingaw nga makatabang niya aron mamahimo siyang stress free.
Tinuod ang iyang gisulti sanglit kadaghanan nato ang nahimo mang daghang gitrabaho apan nahimong kuwang ang pahuway.
Diha sa pagbiyahe sa mga bag-ong dapit bisan gani dinhi sa Sugbo dako naman kaayo og kahimoan aron mamahimong mapagawas nato ang naghinobrang stress sa kinabuhi.
Kay mag-unsa man tuod ang daghang kwarta apan mapildi man pud ang imong kaugalingong kalipay ug kalinaw nga imong makab-ot lamang kun tugotan mo ang imong kaugalingon nga mamahimong makigkukabildo sa kalikupan nga gihimo sa Dios alang nimo.