CEBU, Philippines – Gipahibalo na daan sa Kapitolyo ug kagamhanan sa Lungsod sa Oslob ipaagi na sa online booking kadtong buot motan-aw sa butanding sa kadagatan sa Barangay Tan-awan.
Kini nunot sa pag-limit lang sa 800 ka bisita nga mamahimong motan-aw sa butanding matag aldlaw.
Nasabotan sa Provincial Tourism Council, Lungsod sa Oslob ug mga boat operators nga 600 lang ka bisita ang dawaton nila gikan sa magpa-reserve online, 100 ang walk-in ug 100 alang sa mga special guests sa local government units ug sa mga partners.
Matud ni Bise Gobernador Agnes Magpale nga ila pang i-finalize ang bag-ong sistema nga ipatuman sama kun pila ang makasakay sa usa ka bangka, pila ang mag-snorkeling ug molangoy uban sa butanding.
Wala pay petsa kung kanus-a ipatuman apan gipaninguha nga mahan-ay ang sistema karong tuiga. Lakip sa ipahimutang ang mga pahimangno nga sa pinulongan nga Korean, Japanese ug Chinese. (/GMR)(BANAT NEWS)