Palpak nga propaganda sa Mambaling traffic
TIKDOL SA PORDOY - John Rey Saavedra (Banat) - July 20, 2018 - 12:00am

Napagya ang suliran sa trapiko sa Mambaling. Ang mga tawo mibasol pag-ayo sa “incompetence” kun walay tarong nga pagdumala ni Mayor Tomas Osmeña sa suliran, hinungdan nga liboan ka tawo ang nagreklamo sa Facebook.

Inay atubangon ang suliran, migamit kini sa iyang “propaganda machine” aron iliko ang isyu. Giunsa? Iyang gigamit ang Land Transportation Office (LTO-7) pinaagi ni Victor Caindec aron mabalhin ang atensiyon ug reklamo sa mga tawo ngadto sa LTO.

Ang pagdumala sa trapiko sa siyudad sa Sugbo iya sa kagamhanang lokal tungod sa prinsipyo sa “devolution of powers” ubos sa 1987 nga Konstitusyon ug Local Government Code of 1992, samtang ang LTO alang sa rehistro sa sakyanan ug lisensiya uban ang pagpatuman sa road safety violations ug roadside operations sa mga malapason sa balaod trapiko.     Apan ang mayor miangkon nga siya ang namutang sa mga tarpaulin nga nag-surrender sa pagdumala sa trapiko sa Mambaling.

Nagsugod kini dihang si Tomas nangangkon sa iyang Facebook account nga adunay mga tag-iya’g motorsiklo nga mireklamo kaniya kay langay ang rehistro sa mga motorsiklo. Pasangil kini nga wala maprobar. Nagtuo ko’ng hinimohimo lang kini sa mayor aron mabitik niya si Caindec.

Si Caindec mibalos nga palpak man gani ang dinad-an sa mayor sa trapiko sa Mambaling. Ug didto milampos ang unang hut-ong sa propaganda ni Tomas pagbaliktad sa atensiyon sa mga tawo gikan niya paingon sa LTO.

Si Caindec miingon nga mo-takeover lang siya pagdumala sa Mambaling traffic kon pormal ang pag-surrender sa gahum ni Tomas diha sa Mambaling ngadto sa LTO. Adunay balaod sa usurpation of authority ug dereliction of duty.

Apan sa Facebook, adunay daghang organic nga netizens nakasabot nga si Caindec dili mahimong modumala sa Mambaling traffic. Mao nga nag-alburoto ang mayor. Hinganlan niya og “Caondic” si Caindec. Hasta ako iya na nga gibirahan sa Facebook, pero awhag lang nako nga ayaw intawon ko og ipapatay. Kay kon si SPO1 Adonis Dumpit lang, dili to mopatay nako kay amigo mi.

Gipangayo ni Caindec ang resignation sa mayor bugti ang pagdumala ni Caindec sa Mambaling traffic. Apan inay motanyag sa iyang resignation, iya na hinuong giaway ug gidumtan pag-ayo si Caindec. Kon nagtuo ang mayor nga walay kabangkaagan si Caindec sa LTO, dili siya mahadlok motanyag sa iyang resignation.

Iyang gisulat sa Facebook nga usa ko sa media nga suod ni Mike Dino. Si Tomas hilig makigkaon ug inom sa mga kauban nako sa media diha sa iyang balay. Nasayod ko nga mogasto ang mayor alang sa iyang media operations.

Makadaghan siya maka-banner nga iyang birahan si Mike Dino. Karon nga apeke si Tomas sa headline kay hulga ni Caindec ang na-banner, puwerte na niyang sukoa. Gusto niya nga sige lang siya.

 

TRAFFIC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with