Dear Atty. Divine,
Nakadawat ko og demand letter gikan sa akong ex-girlfriend asking me to support our child. Nakurat ko sa iyang letter kay nagbuwag mi last year, ug wa man siya mosulti nako nga buntis siya pagbuwag namo.
Wa ko mo-reply sa iyang letter kay gusto sab ko nga maniguro daan kon ako ba gyud na nga anak, before ko mosuporta. Unsa may angayan nako nga buhaton? Daghang salamat. — Ricky
Dear Ricky,
Base sa balaod, ang bata bisan kon kini illegitimate, entitled kini og suporta gikan sa amahan. Sa ato pa, obligado ang amahan nga mosuporta sa anak kon gi-acknowledge sa papa ang bata.
Sa imo nga kaso, wa pa nimo gi-acknowledge ang bata kay gusto nimo nga masiguro kon imo ba gyud ni nga anak.
Ang maayo nimong buhaton mao ang pagpa-DNA, uban sa bata, aron imong mahibaw-an kon ikaw ba gyud ang amahan niini.
Kon makonpirmar sa DNA nga ikaw ang papa, then that’s the time nga imong i-acknowledge ang bata ug imo kining suportahan.
Sultihi lang ang inahan sa bata nga sa dili pa ikaw mohatag og suporta sa bata gusto ka nga magpa-DNA mong duha sa bata aron pagtino kon ikaw ba gyud ang amahan niini. Thanks and God bless.- Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.