Kining magdali ta, mosamot nuon kita og kalangay. Kini tungod kay sa tantong pagdali dali kita madakin-as. Akong gisud-ong ang matag ugbok sa haligi. Dugay kaayo kini kay magkawot pa, maghimo sa porma, magtanom sa kabilya dayon magporma ug magbuhos niini. Dili lalim ang bationg kakapoy sa mga mason ug panday ning trabahoa. Apan buot sa matag panday nga ang matag haligi lig-on gyud kaayo aron dili kini maoy hinungdan sa kagun-oban. Langay kining buhata ug angay lamang nga dili kini dalidalion kay after all ang Roma wala man buhata sulod sa usa ka adlaw lamang. Mahinungdanon ang paghilom ug diha sa paghilom makita nato ang hinungdan kun nganong nia pa kita nagpakabuhi sulod ning paspas nga kalibutan.