Kini ang giingon ko niya sa dihang nibati siya og tumang kabalaka kay lagi wa kuno paminawa ang iyang hangyong lubong tambag ngadto sa mga batan-on nga nibati og kasagmuyo gumikan sa walay pagsinabtanay sa ilang mga ginikanan.
Nahimong kabahin ra gyud sa kinabuhi ang makanunayong lalis makuha lang ang gitinguhang kaayohan nga alang gyud unta sa tanan. Di kita makapugos ug labaw na nga di maayong atong ipamugos ang atong kaugalingon ngadto sa uban.
Bisan gani ang kaluwasan nga mahimong gihatag nga libre ang wala pud pugsa sa Dios aron lamang siya simbahon. Daw sa wala siya makatuo sa akong gisulti apan sa daklit akong nakita ang akong kaugalingon diha sa pagpaningkamot alang sa uban nga wala diay tuod magkinahanglan nimo.