Pakalma sa paspas nga pagpitik sa kasingkasing (1)
HIMSOG NGA KARAYURAN - Pons Abatayo (Banat) - May 15, 2018 - 12:00am

Nakasinati na ba kamo nga ingon sa paspas kaayo ang kuba sa inyong dughan? Kini gumikan sa kakusog sa pinitik sa kasingkasing. Tingali usahay dili kapugngan nga maglumba ang gikusgon sa pagdabog mao nga mohuot, o mosakit ang dughan.

Tingali ang pagkuba sa inyong dughan tungod sa ‘palpitation’ sa kasingkasing, mawala ra sab paglabay sa pipila ka segundos, apan mokalit lang kini pagbalik bisa’g unsang orasa samtang kita maghigda, maglingkod, o magbarug. Hamokon ta’s kabalaka nga basi’g masakiton na kita’g kasingkasing.

Apan ang nindot nga balita, dili tanang kaso mahitungod sa paspas nga pagpitik sa kasingkasing nga nagpasabot nga kita nagmasakiton na og kasingkasing. Kalagmitan sa ingon niini nga kondisyon, naugtas lang ang kasingkasing tungod sa subra nga pagtrabaho.

Ingon sa na-stress sama sa kauhaw, o kulang sa tubig ug sa pag-ehersisyo. Mahimo sab nga hinungdan niini ang pagmabdos, kusog nga mohigop og kape, ug mogamit og mga tambal, ilabi na ang mga ilegal nga drugas.

Tungod niini, angay kita nga magkat-on sa pag-amping nga pakalmahon nato ang pagkuba sa atong dughan aron dili mabun-og ang atong kasingkasing, ug mapugngan ang mga komplikasyon unya niini.

* Sulayi ang teknik sa pagrelaks - ang ugtas, o stress makagrabe kini sa kuba (palpitations) sa dughan, kay ang subra ka-stress, o subra kahinam, o kahinangop, makapasaka kini sa lebel sa ‘adrenaline hormones’.

Busa makatabang ang pagrelaks, aron mokalma ang kagahob sa paspas nga pinitik sa kasingkasing. Sa ato pa, mahinungdanon kaayo nga maoy una natong pakalmahon ang atong hunahuna, o kaisipan, sa ingon dili mokusog ang kuba sa dughan.

 

KASINGKASING
Philstar
  • Latest
Latest