Daghan na kaayong mga sinuwat bahin niining graceful aging. Ambot unsay tukmang kahulogan sa Binisaya niini. Apan atong masabot nga dili nato ikaguol o ikasakit ang atong pagkatigulang.
Sa ato na nga nahisgotan dinhi, ang pagkatigulang, ang daghan na nga katuigan nga milabay sa atong kinabuhi, numero ra gyud ni nga atong giihap, ug state of the mind lang – ania ra sa atong hunahuna.
Nga inigmata nato pagkabuntag, moingon kita sa atong kaugalingon nga I’m one day older karong buntaga, ug kon sa tibuok adlaw mao kini ang kanunay natong gihunahuna, tiguwang na gyud ta.
Sa iyang sinuwat, si Marilyn Duterte Oppus nagkanayon: “I am proud of being a senior citizen. I have totally embraced my aging gracefully, and thankful that I am doing it as gracefully as I can.”
Sa ato pa, wala niya ibutang sa hunahuna ang iyang pagkatigulang. Wala siya magpunay og ihap kon pila na ang iyang edad, ug pila na ka tuig ang nilabay sa iyang kinabuhi, mao nga natigulang siya gracefully. Nganong dili man ni nato mahimo?
Of course, gumikan kaha sa daghang problema nga atong gisagubang, maglisud kita pag-grow old gracefully. Apan, wala man maghisgot dinhi si Marilyn nga ang problema maoy makapugong kanato to age gracefully. Una sa tanan, kinahanglan nga atong dawaton ang giingon nga inevitable, ang dili kalikayan nga pagkatigulang. Dili kini sayon. Matud pa, the road to acceptance is not easy. Lisud nga ato lang ning limutlimotan.
Apan, matud pa, there are ways to slow down the process. Sa gibalikbalik na nato dinhi, despite sa atong edad, we can still be young – young in looks, young in thinking, young at heart. Simply refuse to grow old.
Unya, sa panglawas, be active at least 8 hours a day. Lihok gyud. Be preoccupied. Ayaw pagmika. Kinahanglan nga busy ka kanunay. Ilabi na karong panahona nga daghan na kaayo kitang mga lingaw ug kalingawan. Be positive.
Paningkamoti usab nga ma-7 to 8 hours a day ang imong pagkatulog, ug ayaw himoa ang takna sa pagkatulog nga panahon pagsulbad sa mga problema.
Be physically fit. Ang regular nga pag-hike, makatampo kaayo pagpalig-on sa atong lawas. Matud ni Marilyn ”I do my daily walking in the afternoon while saying the rosary at the same time.”Sa ato pa, mag-rosaryo samtang nag-hike.
Nia pa, ang pagka-prayerful, ug ang pag-meditate, makapagaan sa atong balatian, makahupay sa mga kagul-anan ug makasanta sa stress.