Gawas sa ahos, ang sibuyas Bombay gikonsiderar ni sa tibuok kalibutan nga usa sa kinahimsogan nga tinubdan sa pagkaon, tungod sa kadaghan sa kaayohan niini, aron kita makaangkon og maayo nga panglawas.
Ang sibuyas Bombay, dasok ni sa suplay sa diyeta, sama sa B6, C, manganese, ug sustansyado’ng ‘fiber’. Atong ihulagway ang kabililhon niini, ngano nga makahatag man ni sa halos tanang gikinahanglan sa katibuk-an nga kahimsog.
Ang sibuyas Bombay, adunay abilidad sa pagpatay sa mga ’microorganism’ ug mga kagaw, gumikan sa katakus niini sa pagpakigbatok sa daotang bakterya ug virus, tungod nutrisyon-C hasta ang presensya sa ‘phytochemicals’, nga kini kaabag sa kanunay nga gipalig-on ang sistema sa imyun.
Nagbaton sab ni og ‘chromium’ nga mokontrol sa normal nga ‘bloodsugar’, paalibyo sa impeksyons ug pamenos sa implamasyon.
Ang pagkonsumo sa sibuyas Bombay nga lab-as, mopamenos sab sa prodaksyon sa daotan nga kolesterol, aron mohimsog ang kasingkasing. Mosanta sab ni batok sa kanser kay nagbaton ni og ‘quercetin compound’. Makahupay sab ni sa kasakit sa pinahitan sa insekto o potyukan.
Ngano nga ihanig kining linagpad nga hiniwa sa sibuyas Bombay, ilawon sa tiil o lapalapa nga medyasan sa dili pa matulog sa gabii?
Kini aron wad-on ang polusyon nga dala sa kagaw o bakterya. Inigdayong katulog, pagpikas og Bombay, tagsai ug ibutang sa sentro ilawom sa arko sa tiil, pag-abunda sa suplay nga proteksyon sa lawas.
Kay ang ‘phosporic acids’ sa sibuyas Bombay, mosulod sa dugo aron kini permi malimpyohan (purify) nga lab-as ug abunda sa oxygen, aron aktibo sa pagsanta ug pagpuo sa mga kagaw o mikrobyo (microbes) o ‘microorganism’.