Nagkadaiya ang mga opinyon ug mga pangagpas bahin sa gihugonhugon nga Revolutionary Government kon RevGov. Una sa tanan, dunay namahayag nga walay legal basis ang pagdeklarar niini.
Ang uban moingon usab nga kon idayon man kini, mabutang na ang tibuok nasud ubos sa usa ka diktador, ug sama sa panahon ni Marcos, ang military ug ang kapolisan mao na usab ang maghawod.
Lain ang moingon nga mga lakang kini pag-perpetuate sa gahom ni Presdente Digong Duterte. Nga ang mga nagpasiugda niining maong mga lakang “are playing with fire.” Ug kini maka-create og Constitutional crisis.
Giingon dinhi, atong kutloon: “Revolutionary powers are the same kind of powers given to Cory Aquino after Edsa. So there is a precedent.
These powers encompass both executive and legislative powers. The president can rule by executive decree which has the force of law.
Apan, matud sa mga misupak sa RevGov, lahi kuno ang kahimtang panahon ni Cory (Aquino) kay sa karon nga kahimtang. Matud pa, ang malinawon nga revolution sa Edsa ug ang kadaugan niini, maoy gihimong basis ang pagdeklarar ni Cory sa Revolutionary Government … gumikan sa dakong pagkatay-og sa gobiyerno, ug gikinahanglan ang extra power ang presidente aron mapatuman ang gikinahanglan nga mga reforms.
Sa pikas nga bahin, ang mga nagpaluyo sa RevGov namahayag nga wala silay bisag gamay na lang timailhan nga si Duterte naglaraw pag-perpetuate sa gahum. Gani, matud pa, tapus mapahigayon ang Pederalismo ug maangkon na sa katawhan ang tingusbawan, mo-resign siya isip Pamuno sa nasud.
Ug matud pa usab nila, kining Revolutionary Government kon mapahamtang lang, revolution kini batok sa corruption, revolution batok sa gidiling druga, batok sa smuggling, batok sa inefficient public service, batok sa political dynasty, batok sa kawad-on, batok sa bureaucratic red tape, batok sa dautang election practices, etc.
Sa laktud, revolution kini aron mapahigayon ang Pederalismo ug makab-ot ang mga reforms ug ang gihandom nga kausaban.
Tinuod, gusto man kaha kita’g change, nganong di man tuod nato hatagan sa maong gahum ang Presidente, kinsa atong gipili on the platform of change?