Kini ang paboritong expression ni Cardinal Vidal matag higayon nga magwali siya panahon sa mga Misa de Gallo o di ba kaha sa mga piyesta. Kun atong ihubad tingali atong sabton ang mentras tanto nga For the Meantime. Lahi sa uban nga moingon og On Time. Sa akong hamubong pagsabot ang mentras tanto mahimong sabton nga ang pagka kontento sa bisan unsa nga anaa sa karon. Ug atong gamiton ang bisan unsa nga nia karon ug dili lang kay maghuwat ta sa pohon. Ang pagka kontento sa kasamtangan dako kaayo og kahimoan aron sa ingon atong mahimo ang bisan unsa nga maayo sa pagkakaron kay basin kun ahaton ang alang sa ugma mahimong dinali dali ang tanan. Ang bisan unsang gidali dali dili lig-on, dili maayo. Sama pananglit sa semento nga nagkinahanglan og igong panahon human mamasa pintalan nato kay kun imong dali dalion mapakpak lang ang imong pintal. Dunay kinaadman kining maong mentras tanto ug akong nakita niadtong seminarista ako hangtud nga nakahuman na lang ang kalmado ug pinahimutang disposition ni Ricardo Cardinal Vidal.