Edad nako atong panahona 21 pa sa dihang nagmisa si Cardinal Vidal sa among parokya. Buot ko nga mosulod sa Theology Department ug gikinahanglan ko ang iyang recommendation. Iya kong giingnan: “Just go to my office and look for Fr. Tony Ricarte. Pila ka buwan ang nilabay mga unom tingali kun wa ko masayop akong giadto ang opisina niya sa palasyo ug tuod man tua didto ang iyang suwat pahibawo nga ako iyang i-recommend sa seminaryo. Wa diay siya malimot sa akong hangyo. Ug dako ang akong kalipay kay si Cardinal mismo ang mipandong sa iyang mga kamot panahon sa akong Ordinasyon ug siya sab mismo ang nitabang kanamo panahon sa among misyon. Amahanon siya nga pagkatawo ug dili bug-at ang iyang personalidad. Sa laktod dali kaayo siyang duolon kun may kahigayonan lang. Karon sa pangedaron nga 86 siya nipanaw. Di man siya hingpit apan ang Dios maghatag kaniya sa iyang ganti nga mao ang langit. Pahulay nga dayon alang kaniya Ginoo ug ang kahayag nga way pagkapalong modan-ag kaniya hangtud sa kahangturan. Daghang Salamat Cardinal Vidal ug ang imong pagtulon-an nga diha sa pagpangalagad mahinungdanon ang kanunay’ng pagsalig nga ang Dios mohatag kanunay kong bitbiton taliwala ning panahon nga hagip-ot. Salamat ug salamat sa tanan kay kun wa pa ang Piyesta sa Catmon wa na unta ko karon sa akong nahimutangan.