“Ang service vehicle sa usa ka water refilling station anha ra man i-parking kilid sa karsada. Maglisod na ang mga sakyanan sa pag-agi.”
Brgy Buhisan, Cebu City
“Pangdakpa na intawon ninyo ang mga ilegal nga pasugalan diri sa Sitio Langub. Hasta barangay tanod apil sa among makit-an nga mosugal, imbes nga mobadlong.”
Brgy Labangon, Cebu City
“Diri sa Sitio Sto. Rosario duol sa grahean sa jeep ug sa bilyaran kay kusog kaayo ang hantak, magbuntagay gud ang mga sugarol.”
Brgy Cot-Cot, Liloan, Cebu
“Ireklamo namo ang ubang polis sa Liloan kay mireklamo kami didto kay biktima mi sa pagpangawat, apan kami na man hinoon ang gihulga ug gihudlat?”
Brgy Taytay, Danao City
“Daghang abusado diri sa amo kay ang atubangan sa among balay, labayan man nila og mga basura. Giputos og plastik unya baho kaayo.”
Brgy Pasil, Cebu City
“Nahibulong lang kami nganong wala man g’yuy dakop diri sa among lugar, labi na sa Sitio Lawis nga naa man diri ang daghan kaayong mamaligya og shabu.”
Brgy Mabolo, Cebu City
“ Ngano man intawon diri sa Sitio Lahing-Lahing nga wala man g’yud ni matagad ang problema sa illegal drugs nga naa may daghan diri nga namaligya og shabu. Asa na man ang mga polis ug mga opisyal sa barangay?”
Brgy Casili, Consolacion, Cebu
“ Naa mi reklamo bahin niining usa ka security guard diri sa may Cambiohan kay sige’g panghulga ngadto sa mga trabahante gamit ang iyang 45 kalibre nga pistola. Among nahibaw-an nga wa’y lisensiya ang iyang armas, maayo unta’g susihon kini sa mga polis.”
Brgy Taytayan, Bogo City
“Ang among mga opisyal sa barangay wala g’yud magpakabana sa problema sa gubaon nga karsada sa Sitio Ibabao ug Sitio Baas. Ilang rason nganong wala ipaayo kay ang karsada hapit na kuno sementohon, pero kaniadto ra ni sila sige’g saad, wala matuman.”
Brgy Bahay, Sibonga, Cebu
“Ang akong reklamo kay kining among dalan diri gibalhin sa tag-iya sa yuta pero ang nakaparat kay wala gani abunohi ang bag-ong gihimong karsada. Daghan na kaayo ang nadisgrasya nga motor kay lapok ug dangog kaayo ang bag-ong karsada.”
Brgy Dumlog, Talisay City
“Grabe na g’yud kaayo ang mga basura diri sa Deca Homes Phase 2, labi na sa Block 14 kay dili na man molahos diri ang mga garbage trucks. Ambot kon unsa’y rason nganong karon na man lang nga dili molahos, sa una apil man ang basura namo diri nga kuhaon.”
* * *
Alang sa inyong mga reklamo text lang sa 09083006702