Tomas nanghulga
AMBOT LANG - Gerry Auxilio (Banat) - May 2, 2017 - 12:00am

Gireklamo ni Santa Fe Mayor “Titing Esgana” si Cebu City Mayor Tomas Osmeña og pagpanghulga. Sa asoy ni Mayor Esgana, iyang giingon nga samtang nagpaabot siya sa iyang kasabot sa coffee shop sa lobby sa Marriott Hotel mga alas 10 sa buntag niadtong Sabado, iyang nakita si Osmeña nga miabot.

May gikasulti nga lalaki si Osmeña ug iya kining giduol aron himamaton kay kauban niya kini og partido kaniadto. Apan dihang gidunol ni Esgana ang iyang kamot alang sa paglamano, wala kini dawata ni Osmeña human siya gipaila sa kauban ni Tomas nga mao ang mayor sa Santa Fe.

Ang kauban ni Osmeña mao si Alex Tan nga tag-iya sa Island Express Shipping kang kansang mga barko nagbiyahean sa rota nga Hagnaya, San Remigio paingon sa Santa Fe. Gawas nga wala makiglamano kaniya si Osmeña, giingnan pa siya nga “magbantay-bantay ka ha?” ug giisip niya kini nga pagpanghulga.

Si Esgana nagkanayon nga may gisulti pa kaniya si Osmeña apan wala na niya kini panumbalinga ug mibati siya og dili tiaw nga kabalaka sa iyang seguridad mao nga midali siya sa pagpauli sa ilang lungsod kay basin adunay mahitabong dautan kaniya.

Si Osmeña miangkon nga nasuko siya kang Esgana kay dili patas ang pagtratar niini sa mga tag-iya og luna sa iyang lungsod, ug usa sa nabiktima niini mao ang iyang maguwang nga si Minnie Osmeña. Pero iyang gipanghimakak ang pasangil ni Esgana nga pagpanghulga.

Si Tomas nagkanayon nga gipakural og alambre ni Minnie Osmeña ang luna sa yuta nga iyang gipanag-iya duol sa baybayon sa Santa Fe apan gipaguba kini ni Esgana. Supak si Esgana nga kuralon og tunokong alambre ang luna sa iyang maguwang, apan dili usab kini uyon nga ilisan nila og kawayan ang kural.

Nag-abot ra gayud ang dalan sa duha ka isog nga mayor, pero nabalhiboan ang mayor sa isla kay mibahag ang ikog palayo ni Tomas Osmeña.

AMBOT LANG
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with