May dugo ang hugaw (1)

Dili lalim nga bation kita og kabalaka,  human nga atong makita sa inidoro nga may dugo ang atong hugaw. Ngano ug unsa man ang mga hinungdan niini? Ania sundan nato ang mga mosunod;

* Anal fissure — Nasamad ang mga tisyu sa butbot (anal), gumikan sa kagahi sa hugaw (tubol), nga sa sige og utong-utong natandog ang sulod nga bahin sa kibot (anus). Mao nga dihang nakapangilo na ta sa napkin o sa inidoro, may lama sa presko nga dugo ang atong hugaw.

* Piles (almoranas) —Nanghubag ang kibot ug butbot nga sakit ug katol-katol, nga kun maagian sa hugaw, magdugo kini. Sagad sa nagpangedaron og 45-65, usa lang sa 10 ang nagkinahanglan nga maoperahan.

* Anal fistula — Gamay kini nga tubo o agianan (canal) sa hugaw, kun magsakit gyud kini, magdugo nga madala iniggawas sa hugaw.

* Gastroenteritis — Usa kini ka bakteryal impeksyons, nga moresulta sa 3-4 ka beses sa adlaw, ang pagpaggawas sa hugaw nga tubigon o may pagka basa. Kuyaw ni nga mahutdan sa tubig ang lawas kay mosangpot sa ‘dehydration’. Mga sintomas niini, maglabad ang ulo, malipong, magsakit ang tiyan ug init ang lawas.

* Peptic ulcer — Depektoso ang tinai gumikan kay nahilis o nadaot ang tisyu o ang ‘lining’ sa gamay entrada, nga nabakantehan og pundo nga pagkaon, apan sagad sab niini tungod sa bakteryal impeksyons (helicobacter).

 Usa sab sa hinungdan niini, ang sige’g tumar sa ‘ibufrofen’ ug ‘aspirin’. Mga sintomas niini, itomon og hugaw, kasukaon, kabuhi, butod sa tiyan ug pag-us-os sa timbang.

* Diverticular disease — mga butlog ni nga nanubo sa ‘colon’ kun matandog, magdugo kini. Sagad kaayo ni sa mga edaran na kay huyang na og ‘bloodvessels’