Daghang magtiayon nga mga batan-on pa, nagpahungaw lang sa ilang gibati mahitungod sa seks. Nagpakisayod unsay paglaum nga mabatonan pagbalik ang kahimsog sa seks. Kuno sa ilang kondisyon, ingon sa wala nay silbi, patay na ang tinubdan ug ang hunahuna na lang ang nagdako.
Dili gyud hinuon kita makatumbok sa lainlaing mga hinungdan niini. Apan makatabang tingali kining pipila ka giya, nga mabuksan ang tubag sa suliran.
Ang pagseks, tingali komedya lang ang pag-ingon nga gadako lang ang hunahuna, pero ang tinuod, usa lang ni ka alibyo sa pangatarungan kay aron mabuhi ang seks. Dunay duha ka butang ang gikinahanglan.
Ang preparasyon sa panghunahuna nga puno sa kahinam nga makaseks. 2.) Ang lawas, painiton nga puno sa enerhiya, nga mag-uros-uros ang boltahe. Maantigo moyawe, pagimokon ang bihod (sperm) nga maoy mopagana, pagpakusog sa kahinam nga matugsad ang kinalaliman nga katagbawan. Romansahon una (warm up) dili kay motugsaw dayon, mao nga maugtas nga dali ra mapawong.
Matud ni Joseph Pinsone, ang seks kun kanunayon makalipay, nga mao ang kinanindotan nga ehersisyo. Makapalig-on sa imyun, monormal ang presyur sa dugo, makapalig-on sa kasingkasing, ug makapataas sa lahutay sa kinabuhi. Igo na ang pagseks tulo ka beses sa semana base sa pagtuon sa Wilkis University, Pennsylvania; sa University of Paisley ug sa New England Research Institute, nga napublikar sa British Medical Journal.
Dugang pa nga ang seks makapahinanok, motultol sa regla sa babaye, ug kadtong mga lalaking nakapagawas sa seks og 21 ka beses sulod sa usa ka bulan, menus ang risgo nga masakit og prostate cancer.