Likayi ang dalan nga gilaktan sa uban... kini maoy nisud sa akong hunahuna ug pandungog sa dihang nagsakay ko sa Ceres gikan sa masabang dakbayan. Kadakong tunto sa tawo nga nitugot nga subayon ang dalan nga kun di man gani laay, way ayo ug way hinungdan. Kun di man gani way hinungdan, pinugos ug monotonous. Ang pagkamamugnaon sa tawo gikinahanglan aron mamahimong mabulokon ang panaw sa kinabuhi. Mao nga kinahanglanon kaayo ang hustong panlantaw ug panghunahuna nga maoy mohatag og hustong pagbati. Makigrelasyon ka at least ingnon kang tawo ug motabang ka dili tungod kay nag-apas ka og langit o nahadlok ka og impiyerno hinunoa nihimo ka niini tungod kay maoy maayo. Ang tingog sa mga gangis kanako nihamok ug sa masipang suntok nibuto ang bungbong semento nahigmata ako. Abi nako og demonyo apan usa lang diay kadto ka dakong damgo.