Tagbo ug uban pa

Sa katilingban diin ako nagpuyo karon nahimong kabahin sa among balansayon ang tagbo kun encounter sa iningles pa. Matag usa ang mohalad sa iyang kusog alang sa padayon nga proyekto nga gihimo. Kapoy man tuod apan makahuloganon tungod kay ang matag usa nihimo sa iyang bahin ingon nga pagsanong sa iyang hagit ug tawag sa pagkamanggihatagon. Lisud man tuod ang salapi apan ang kusog nahimong gasa aron proyekto mahuman lang gyud. Kini ang hinungdan nga bisan sa kalangay sa tabang gikan sa kaulohan nahimong paspas ug flowing lang gihapon ang pag-ugmad. Apan ang mas mahinungdanon mao nga diha sa pagtagbo ang mga tawo makasinati nga sila bililhon mao nga gihimong kasaligan ang ilang katakus diha sa paghimo sa mga butang nga angay nga himuon alang sa kaayohan sa kinabag-an.