Mga benepisyo ug risgo sa kape (2)

Ang resulta sa mga pagtuon, nagpakita nga ang 1 ka tasa (8oz) sa kape, nagbaton kinig 100mg nga ‘caffeine’. Dili sama sa (16oz) mga kapeng grande nga naa giserbi sa mga ‘coffeehouses’ nga nagbaton og 300mg. ‘caffeine’.

Nila pa, ang pagtuon gibase lang sa ‘black coffee’, ug sa may diyutay nga sagol sa gatas o asukar. Dili angay usohon sa pag-inom og kape sa mga kapehan nga nagdalit og ‘mocha’, ‘cappucino’, ‘creamed’ ug uban pa’ng ‘add-on flavors’. Kay sagad ini, moabot sa 500 ‘calories’ (1 serving) kay katumbas na kini sa 25% sa 2000 calories nga gikinahanglan sa lawas matag adlaw.

Wa kaayo ni matagad, nga nanubra na diay ang enerhiya nga nasulod sa lawas, ug usab nga wala na makamatngon sa patuyang nga pagkaon, nga maoy prinsipal nga nakaingon sa sobra katambok (obesity) ug sa ‘diabetes 2’.

Duna nay mga pagtuon kaniadto pa, nga ang kape daghag benepisyo nga makatabang sa pag-alibyo sa ‘diabetes 2’, ‘parkinsons disease’, ‘liver cancer’ ug uban pa. Tungod ini, girekomendar nga moinom og kape, basta ‘i-regulate’ lang nga igo lang sa panginahanglan. Puwede sab ni sa mga mabdos ug sa hayblad.

Ngano ang uba’ng ‘researchers o ‘scientist’, nga ingon sa nagpugong sa paghingusog sa maidulot nga benepisyo sa kape. Kini tungod kay dili managsama ang mga konsumidor, nga duna say managlahing report nga ang uban nakabenepisyo sa kape, samtang sa laing bahin daghan sab ang wa makauyon sa di maayo’ng epekto ini sa panglawas nila.

Nga matud pa, komplikado ang gihimong pagtuon nila, nga nakaseguro sa mga benepisyo sa kape, nga kun may risgo man, naa ra sa ‘lifestyle’ nato.