Samtang adunay ginagmay nga mga kakulian sa miaging pagpanghatag sa financial assistance sa senior citizens, generally, hapsay gihapon ang maong kalihukan. At least, sa Guadalupe, sa akong bahin, wa gihapon kaabot og singko minutos ang akong paghuwat, I instantly became richer by P2,000.
Matud ni Jofil Filisopo, sa DPS, usa sa mga disbursing officers, alas singko sa buntag nag-assemble na sila ug nasugdan ang pagpanghatag alas 6:00. Wala sila maghuwat nga mag-alas 8:00, ug tungod kay nisayo man ko, wala gani ko ma-problema sa parking, dali akong nasilbihan.
Akong namatikdan nga dili maayo ang pagkabahig o pagbahin-bahin ang mga ngalan hinungdan nga samtang maghuot o taas ang linya sa usa ka lamesa, sa uban pila lang ang maghuwat, ang uban bakante gyud.
Daghan kaayo ang mga apilyedo nga magsugod og A, B, C, D, apan gamay ra ang magsugod og E, F, H, I, J, K, ang magsugod og Q, R, S, T, U, V, W, X, Y, Z, i-lump ni sila into one group. Kini, aron dili magkinahanglan og daghang disbursing officers.
* * *
Tony Bennett. Kadaghanan nato, nakaila gayud ni Tony Bennett. Natawo siya sa 1926, ug bag-o lang nga nagsaulog sa ika-90 nga panuigon ug nagpadayon sa iyang career sa pagka-mag-aawit, nagplano nga makig-collaborate, makig-alayon sa ubang mga mag-aawit.
Unang awit nga nakapabantog kaniya mao ang I left my heart in San Francisco. Pagka karon 90 na ang iyang edad, sama ni Sen. Enrile, apan walay hunahuna nga mo-retire na.
Sa pagpasidungog kaniya didto sa Empire State Building, giingon dinhi: Bennett has been called the last in a generation of singing greats who included his friend and fellow Italian American Frank Sinatra. He has not slowed down, ‘My doctor keeps telling me there's not a thing wrong with you. Just keep going at it,' nagkanayon si Bennett.
Mag-exercise siya katulo matag semana ug tungod kay iyang gipangga ang iyang asawa, karon mao nay nag-atiman kaniya pag-maintain sa himsog nga panglawas.
Nia pa: Bennett has won 18 Grammys as well as a lifetime achievement award. A television special on him, "Tony Bennett: An American Classic," won seven Emmys in 2007.
Mao ni ang atong gibalikbalik dinhi ang giingon nga, old age is just a state of the mind; age is just a number.
Ug kamong medyo batan-on pa, panggaa gyud na’g maayo ang inyong asawa, kay moabot ang panahon, nga biyaan na kamo sa inyong mga kabit.