Sumpay kini sa niagi’ng lindog nato, ang mahitungod sa buhaton sa tawo aron siya kanunay magmalipayon sa kinabuhi. Ania ato’ng ipadayon.
* Buhata asa ka molabaw sa uban – may storya sa gutom nga ‘artist’ apan malipayon siya. Nasayran nga tinuod kini, kay diay nakontento sa iyang mga nahimo kaysa uban nga dili mga artist, bisan tuod gamay ra ang iyang kita, ikompara sa uba’ng may mga abilidad. Klaro nga masabot nato nga unsa ma’y buhaton, kinahanglan malipayon ka ug mas malipayon, kun may katumanan nga nakahimo ka’g butang, ingon nga imo’ng kaugalingo’ng kaugmaran sa kinabuhi.
* Ang paghatag – ang paghatag mao’y usa sa maayo’ng buhat. Sagad mas nakabenepisyo ang tawo’ng manggihatagon, kaysa sa tawo’ng gihatagan. Kay nagpasabot ni’ng mas bulahan kita’ng gisuwerte nga may ikatabang sa uban nga nanginahanglan. Busa makalipay kini kun matinabangon kita sa uban.
* Ayaw paghinakog – bililhon ang kuwarta, kay daghan ni’g mahimo nga butang sa ato’ng kagustohan. Apan ayuhon lang mamatngonan nga dili kita maulipon sa kahakog, diin ang epekto ini sagad maghatag ni nato’g kasagmuyo. Mawala ang kalipay, kay wa ka man mamahin sa mga oportunidad. Imo lang permi kaugalingon gipalabi nga way pagpakabana sa kaayohan sa uban. Busa aron ka malipay, buhata sa uban nga sila sab malipayon tungod kanimo.
* Puy-i ang kinabuhi nga gusto mo – ang pagserbisyo sa uban nga may gamay na lang panahon ni’ng kinabuhia, usahay mosipyat kita sa pag-ingon, nga usik kaayo ang didikasyon nga gialagad sa uban, kay sa kaugalingon nga nawala ang prayoridad sa kaugalingon. Ang paglaum, damggo, pangandoy, himoa ang uban nga mahimo sila’ng kasangkapan nga kabahin sila sa imo’ng kalampusan aron mabatyagan nimo ang tiunay nga kalipay nga di katumbasan sa salapi.