Wala’y tawo nga way utang

Unsa man ang atong kahimtang nga nahimutangan karon ning kinabuhia, ma-adunahan o mapobre man, kitang tanan dili mabuhi nga way utang.

Nahinumdom ko sa silingan namong adunahan nga Intsek, nga wa gyud nako kalimti ang kanunay niyang gisulti nga…” hiposa kun kita ka sensilyo..kun papel kuwarta ipasensilyo’’. Lisud apan sayon sabton, alang niadtong mga nangambisyon nga gustong moasenso nga mabuhi sa kahamugaway.

Ang mensahe ini, segun sa pagpasabot niya, kinahanglan nga unsa may  kitaon sa pangwarta, papel man o sensilyo magtigum gyud. Nga isipon nga wa kay nadawat, apan mohatag nga di maghulat nga may mangayo. Daghan siya’g negosyo ug gipanag-iyang edipisyo, nga wa niya gastoha ang tinigum.

Nangutang siya’g para sa negosyo, ug ang ganansya padayon iyang giipon sa mga tinigum. Kasikbit ra’s balay namo, kanunay kami hatagan og lugaw sa oras sa tingkaon.

Usahay patabana’g dagko ug lagpad nga pansit sinabaw o gisado. Usahay mosulod ko’s ilaha, apan mao gihapon ang mga potahe.

Dugay na sila’ng nangamatay apan hangtud karon gihatagan mi matag pasko o bag-ong tuig. Duna lang ko’y namatikdan, kun duna kay ihangyo, di mopakita apan kun makit-an, dayon la’g ingon unya na kun may magpautang..atik lang to apan madugayan motunol baya’g sekreto. Niya pa, anara ang sensilyo nga matigum, nga ablihan lang sa nindot nga oportunidad.

Apan kitang pobre, kun may moingon nga way utang tingali nalimtan o na-amnesya nga kita utangan. Ang pag-utang nato sagad ato man nga igasto nga way ganansya ug gani ang tigpautang mao pay modawat sa tubo isip ganansya nila, apan usahay kun di kabayad maimpas lang sa di maayo’ng kabubot-on.

Sulayan kuno nato kining talagsaon nga diskarte sa pagtigum.