Kining atong teksto sa Ebanghelyo karon mao ang usa sa mga sukaranang teksto kun maghisgot kita og Basic Christology ang pagtuon mahitungod sa atong Ginoo. Ang unang pangutana ang nakapunting sa Public Opinion kun ang pagtan-aw sa mga tawo kalabot sa Ginoo. Ang ikaduhang pangutana ang nakapunting sa Personal nga Opinyon nga tungod niini si Pedro ang mihatag sa iyang opinyon: Ikaw ang Mesiyas ang anak sa Dios nga Buhi!" kini pinasikad sa iyang personal nga pag-ila sa Ginoo. Ang pag-ila sa Ginoo dili lang mahitungod sa pagsabot sa iyang kinaiya hinunoa, mahitungod usab kini sa pagsinati kaniya sa atong kinabuhi...