Kasumpay kini sa miagi’ng nahisgutan nato nga mga angay nga pagkaon sa mga aduna’y sakit sa diabetes. Ipadayon nato nga ang pa’ng kaonon, sama sa;
* Eggs – mga itlog kini’ng matud pa sa mga eksperto, mas maayo pa kini kaysa karne. Apan girekomendar nga igo na ang 1ka buok niini nga katulo kabeses sa semana, nga linung-ag o i-steam ang pagluto. Nga perpekto kini’ng pagkaon sa pagkontrol sa ‘bloodsugar’. Nga matud ni nutrisyonista Joy Bauer, makatabang sab kini sa pagpa-us-os nga monormal ang timbang.
* Milk – ang gatas adunay nutrens nga calcium, magnesium ug vitamin-D (susama kini’g nutrens nga anaa sa yogurt, keso, kini’ng gatas). Sa pagtuon sa Harvard Medical School, nadiskubrehan nga ang pag-inom og 2ka baso sa gatas kada adlaw, makatabang na’g 20% sa insulin. Sa French nga pagtuki, 26% nga mapugngan ang pagtaas sa ‘bloodsugars’.
* Kale – usa ni ka utanon (vegetable), nga importante’ng pagkaon sa mga adunay diabetes, kay dasok ni sa potensyal nga nutrens sama sa magnesium, vitamin K ug uban pa. Halos tana’ng utanon nagbaton og daghang nutrens, nga mopanormal sa ‘bloodsugars’ ug pagpahimsog sa atong kasingkasing.
* Fish – ang mga gagmay isda maoy maayong kaonon kay sa mga dagkong isda nga sagad aduna kini nakao’ng mercury o uban pa’ng klase sa mga toksik nga kemikals nga naa nakahugaw sa kadagatan. Ok ra sab ang sardinas, tuna, salmon o mackerel. Sa pagtuon sa Ample research, nagpakita nga ang isda nagbaton og taas nga lebel sa ‘omega-3 fatty acid, aron momintin sa normal nga ‘bloodsugars’.Sa 2008 Minessota study, ang isda/manok mas maayo kaysa karne