EDITORYAL – Maayo’g molahutay
Edwin Ian Melecio (Banat) - July 23, 2015 - 10:00am

Maayo ang gibuhat karon sa kapolisan dinhi sa Sugbo nga gi-deploy ang kadaghanan sa ilang mga tawo diha sa kadalanan inay nga magmika ug magpadako og tiyan diha sa ilang mga presinto.

Ang maong kausaban nakita human ang mismo nang hepe sa Philippine National Police nga si PNP Director Ricardo Marquez mimando nga kinahanglang tulo lang ka polis maoy magbantay sa ilang mga presinto, ang uban, kinahanglang magpatrolya sa kadalanan.

Ang maong kamandoan gipagawas pipila ka adlaw human nga ang Banat News mipagawas og editoryal kabahin niining paghawod-hawod sa mga mangunguot ug esnatser diha sa kadalanan ilabi na sa dalan Colon dinhi sa dakbayan sa Sugbo. Wa hinuon mangangkon ang Banat News nga tungod sa maong editoryal naghimo og kamandoan si Marquez.

Nabantayan na man gud sa nanglabay nga mga adlaw nga way makitang polis sa kadalanan apan kun adtuon ang presinto atoa sila didto nagtapok, dunay nangatulog, dunay nagtan-aw og telebisyon ug ang uban wa diha.  Si Police Regional Office-7 director Chief Supt. Prudencio Tom Bañas niklaro nga sa wala pa momando niini ilang hepe, daan na niya kining direktiba sa iyang mga sakop nga kinahanglang di sila magpundo sa ilang mga buhatan.

Tinuod iyaha kining gimando, apan wala man kini buhata sa iyang mga sakop. Karon lang man kini gihimo nga ang mismo nang PNP director maoy niingon.

Pasalamat na lang hinuon kay tungod kang Marquez nituman na g’yud intawon ang mga polis sa Kabisay-an ug karon gibati na sa katawhan ang seguridad sa ilang paglakaw-lakaw sa ilang inadlaw-adlaw nga gimbuhaton diha sa kadalanan kay nasayod man sila nga dunay mga polis diha sa palibot.

Maayo unta kun magpadayon kini ug dili lang “ningas kogon” bisan mag-ilis pa og PNP Chief aron dili makalugar ang mga kriminal sa ilang paghasi-hasi sa katilingban.

ANG BANAT NEWS CHIEF SUPT DIRECTOR RICARDO MARQUEZ ILANG MARQUEZ MGA NGA PHILIPPINE NATIONAL POLICE PRUDENCIO TOM BA SI POLICE REGIONAL OFFICE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with