Kasinatian: Paggahin og igong panahon sa kahilom. Hunahunaa nga anaa ikaw sa impiyerno. Unsa man ang imong gibati nga anaa ikaw sa impiyerno? Hinumdomi ang imong mga sala samtang nia ka pa sa yuta.
Teksto:
Basaha: Isaias 59;1-21
Pagpalawom:
Ang kasakitan sa impiyerno dili lang ang mahitungod sa kalayo kondili tungod sa kawalay kahigayonan nga makasud-ong kita sa Dios. Ang pagpakasala mao ang atong pagpahilayo sa Dios. Ang pagpakasala mao ang atong pagpakigbulag ingon man ang atong pagluib sa Dios.